- Иги болса, тамадама – махтау, аман болса, меннге – айыб.
- Эринчекни эр алмаз, эр алса да, кёл салмаз, кёл салса да, кёб бармаз!
- Башланнган иш битер, къымылдагъан тиш тюшер.
- Бал чибинни ургъаны – ачы, балы – татлы.
- Эл элде бирер малынг болгъандан эсе, бирер тенгинг болсун.
- Эки къатын алгъан – эки ташны ортасына башын салгъан.
- Ёксюзню къалачы уллу кёрюнюр.
- Джолда аягъынга сакъ бол, ушакъда тилинге сакъ бол.
- Тойгъан антын унутур.
- Тил – кесген бычакъ, сёз – атылгъан окъ.
- Таякъ этден ётер, тил сюекден ётер.
- Экиндини кеч къылсанг, чабыб джетер ашхам.
- Бичгенде ашыкъма, тикгенде ашыкъ.
- Ишни ахырын ойламай, аллын башлама.
- Нарт сёз – тилни бети.
- Сёз – кюмюш, джыр – алтын.
- Бети къызарыучу адамны, джюреги харам болмаз.
- Тюз сёз баргъан сууну тыяр.
- Ата джурт – алтын бешик.
- Кюл тюбюндеги от кёрюнмейди.
- Таукел къуру къалмаз.
- Аш иеси бла татлыды.
- Кёбню кёрген – кёб билир.
- Джигер – джаннга къыйынлыкъ.
- Кёзю сокъурдан – къоркъма, кёлю сокъурдан – къоркъ.
- Накъырданы арты керти болур.
- Эл ауузу – элек, анга ийнаннган – халек.
- Минг тенг да азды, бир джау да кёбдю.
- Гугурук къычырмаса да, тангны атары къалмаз.
- Чакъырылмагъан джерге барма, чакъырылгъан джерден къалма.
- Чоюнну башы ачыкъ болса, итге уят керекди.
- Байны къызы баймакъ болса да, юйде къалмаз!
- Аман эсирсе, юйюн ояр.
- Соргъан айыб тюлдю, билмеген айыбды.
- Джарашыу сюйген – джалынчакъ.
- Къонакъ хазыр болгъанлыкъгъа, къонакъбай хазыр тюлдю.
- Шапа кёб болса, аш татымсыз болур.
- Чомарт къонакъ юй иесин сыйлар.
- Къозулугъунда тоймагъан, къойлугъунда тоймаз.
- Тенги кёбню джау алмаз, акъылы кёбню дау алмаз.
- Юйлю уругъа ит чабмаз.
- Бек анасы джыламаз.
- Ёнгкюч къууана барыр, джылай келир.
- Эр сокъур болсун, къатын тилсиз болсун.
- Билеги кючлю, бирни джыгъар, билими кючлю, мингни джыгъар.
- Таукел тауну аудурур.
- Айраннга суу къош, телиге джол бош.
- Ауурну тюбю бла, дженгилни башы бла джюрюген.
- Къартны бурнун сюрт да, оноугъа тут.
- Дуния аламаты сен эсенг да, игиме деб айтма.
Профиль
|
|
|||