- Къыз чыгъаргъан – къызыл къымжа.
- Джогъун бар этген, барын бал этген.
- Юйлю уругъа ит чабмаз.
- Дуния малгъа сатылма, кесингден телиге къатылма.
- Къызбайны юйюне дери сюрсенг, батыр болур.
- Эте билген, этген этеди, эте билмеген, юретген этеди!
- Тас болгъан бычакъны сабы – алтын.
- Къайгъы тюбю – тенгиз.
- Аз айтсам, кёб ангылагъыз.
- Бети къызарыучу адамны, джюреги харам болмаз.
- Аман хансны – урлугъу кёб.
- Кёбге таш атма.
- Адеб этмеген, адеб кёрмез.
- Джашны джигитлиги сорулур, къызны джигерлиги сорулур.
- Таш ата билмеген, башына урур.
- Ётюрюкню къуйругъу – бир тутум.
- Кёрмегеннге кебек – танг, битмегеннге сакъал – танг.
- Эски джаугъа ышанма.
- Ата Джуртун танымагъан, атасын да танымаз.
- Джюз элде джюз ёгюзюм болгъандан эсе, джюз джууугъум болсун.
- Чакъырылмай келген къонакъ сыйланмай кетер.
- Къан бла кирген, джан бла чыгъар.
- Тай асырагъан, атха минер.
- Ханы къызы буюгъа-буюгъа киштик болду.
- Кёбню кёрген – кёб билир.
- Зарда марда джокъ.
- Чакъырылмагъан къонакъ тёрге атламаз.
- Кийимни бичсенг, кенг бич, тар этген къыйын тюлдю.
- Чалманны аллы къалай башланса, арты да алай барады.
- Адамны адамлыгъы къыйынлыкъда айгъакъланады.
- Насыблы элин сюер, насыбсыз кесин сюер.
- Акъдан къара болмаз.
- Къызгъанчдан ычхыныр, мухардан ычхынмаз.
- Ишлерге уял да, ашаргъа табма.
- Къазанны башы ачыкъ болса, итге уят керекди.
- Телини эшигин, махтау джабар.
- Башда акъыл болмаса, эки аякъгъа кюч джетер.
- Къатыны харакетли болса, эри къымсыз болур.
- Байлыкъ адамны сокъур этер.
- Джарлыны тону джаз битер.
- Джарлы эскисин джамаса, къууаныр.
- Ётюрюк хапар аякъ тюбю бла джюрюйдю.
- Таукел тауну аудурур.
- Келгинчи, къонакъ уялыр, келгенден сора, къонакъбай уялыр.
- Алтыннга тот къонмаз.
- Адамны сабийин сюйген джюреги, бычакъча, джитиди.
- Ашхы адам – халкъ байлыгъы, ашхы джер – джашау байлыгъы.
- Керилген да, ургъан кибикди.
- Телиге акъыл салгъандан эсе, ёлгеннге джан салырса.
- Нёгерсизни джолу узун.
Профиль
|
|
|
|||