- Кёзюнде тереги болгъан, чёбю болгъаннга кюле эди.
- Ач да бол, токъ да бол – намысынга бек бол.
- Ишленмеген джаш – джюгенсиз ат, ишленмеген къыз – тузсуз хант.
- Окъдан джара эртде-кеч болса да бителир, сёз джара, ёмюрге къалыр.
- Къумурсхала джыйылсала, пилни да джыгъадыла.
- Биреуге аманлыкъ этиб, кесинге игилик табмазса.
- Джогъун бар этген, барын бал этген.
- Ойнай билмеген, оюн бузар.
- Таукел тауну аудурур.
- Аман къатын алгъан, арыр, иги къатын алгъан джарыр.
- Аз сёлеш, кёб ишле.
- Ариу сёз джыланны орнундан чыгъарыр.
- Къоркъакъны кёзю экили кёрюр.
- Адам сёзюнден белгили.
- Юй кюйдю да, кюйюз чыкъды, ортасындан тюйюш чыкъды.
- Борчунг бар эсе, хурджунунга ойлаб узал.
- Арбаз сайлама да, хоншу сайла.
- Акъыллы – эл иеси, тели – эл баласы.
- Джиби бир къат джетмей эди да, эки къат тарта эди.
- Байны оноуу, джарлыгъа джарамаз.
- Экеу тутушса, биреу джыгъылыр.
- Келинин тута билмеген, къул этер, къызын тута билмеген, тул этер.
- Суугъа – чабакъ, къаягъа – ыргъакъ.
- Битмегеннге сакъал – танг.
- Таякъ этден ётер, тил сюекден ётер.
- Игилик игилик бла сингдирилиучю затды.
- Эрни эр этерик да, къара джер этерик да, тиширыуду.
- Иги сеники эсе да, сюйген кесимикин этеме.
- Хар сёзню орну барды.
- Келинни – келгинчи, бёркню кийгинчи кёр.
- Ашха уста, юйюнде болсун
- Ишлемеген – тишлемез.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ётюрюкню башын керти кесер.
- Джаш болсун, къыз болсун, акъылы, саны тюз болсун.
- Чабакъ башындан чирийди.
- Джюрекден джюрекге джол барды.
- Суу ичген шауданынга тюкюрме.
- Ётюрюкню къуйругъу – бир тутум.
- Уруну арты – къуру.
- Адеб этмеген, адеб кёрмез.
- Джангыз торгъай джырламаз.
- Алим болгъандан эсе, адам болгъан къыйынды.
- Тёрдеги кюлсе, эшикдеги ышарыр.
- Сибиртки да сыйлы болду, кюрек да кюнлю болду.
- Акъыллы башны – тили къысха.
- Ачны эсинде – аш.
- Хазыр ашха – терен къашыкъ.
- Окъуу – билимни ачхычы, окъуу – дунияны бачхычы.
- От кюйдюрген, сау болса да, тот кюйдюрген, сау болмаз.
Профиль
|
|
|
|||