- Чоюнну башы ачыкъ болса, итге уят керекди.
- Билмегенинги, билгеннге сор.
- Адеб этмеген, адеб кёрмез.
- Биреуге аманлыкъ этиб, кесинге игилик табмазса.
- Тёзгеннге, джабылгъан эшик ачылыр.
- Келлик заман – къартлыкъ келтирир, кетген заман – джашлыкъ ёлтюрюр.
- Джолунга кёре – джюрюшюнг, джагъанга кёре – юлюшюнг.
- Нарт сёз къарт болмаз.
- Зар адамны насыбы болмаз.
- Сакъ юйюне сау барыр.
- Эртде тургъан джылкъычыны эркек аты тай табар.
- Нафысынгы айтханын этме, намысынгы айтханын эт.
- Джашны джигитлиги сорулур, къызны джигерлиги сорулур.
- Келинни – келгинчи, бёркню кийгинчи кёр.
- Ашда уялгъан – мухар, ишде уялгъан – хомух.
- Урунуу – насыбны анасы.
- Билим ат болуб да чабар, къуш болуб да учар.
- Берекет берсин деген джерде, берекет болур.
- Джыланны къуйругъундан басарынг келсе, аны башы болгъанын унутма.
- Тулпарлыкъ, билекден тюл – джюрекден.
- Мал тутхан – май джалар.
- Суу кетер, таш къалыр.
- Таукел адам тау тешер.
- Келинин тута билмеген, къул этер, къызын тута билмеген, тул этер.
- Джаным-тиним – окъуу, билим.
- Босагъа таш юйге кирмей эди, тыбыр таш эшикге чыкъмай эди.
- Кёзден кетген, кёлден да кетеди.
- Ат да турмайды бир териде.
- Ашхы болсанг, атынг чыгъар, аман болсанг, джанынг чыгъар.
- Аллахдан тилесенг, кёб тиле.
- Чакъырылмагъан къонакъ – орунсуз.
- Намыс болмагъан джерде, насыб болмаз.
- Гугурук къычырмаса да, тангны атары къалмаз.
- Этек чакъмакълары баш джаргъан, сёлешген сёзлери таш джаргъан.
- Ханнга да келеди хариблик.
- От кюйдюрген, сау болса да, тот кюйдюрген, сау болмаз.
- Къууут – джелге, берне – бошха.
- Бет бетге къараса, бет да джерге къарар.
- Халкъгъа джарагъан, джарлы къалмаз.
- Чомарт къолда мал къалмаз.
- Арпа, будай – ащды, алтын, кюмюш а – ташды.
- Чабакъгъа акъыл, табагъа тюшсе келеди.
- Къыз тиширыу кеси юйюнде да къонакъды.
- Адамны сабийин сюйген джюреги, бычакъча, джитиди.
- Кечеси – аяз, кюню – къыш, джарлы къаргъагъа бир аш тюш!
- Юйюнг бла джау болгъандан эсе, элинг бла джау бол.
- Бозаны арты дауур болур.
- Тыш элде солтан болгъандан эсе, кесинги элде олтан болгъан игиди!
- Огъурлуну сёзю – суу, огъурсузну сёзю – уу.
- Джарашыу сюйген – джалынчакъ.
Профиль
|
rastrclipart
 Эльбрусоид
Баллов: 0
Регистрация: 27.06.2017
Последний визит: 27.06.2017 22:31:14
|
|
||||||
|
|
|
||||||