- Орну джокъну – сыйы джокъ.
- Чомартха хар кюн да байрамды.
- Тил – кесген бычакъ, сёз – атылгъан окъ.
- Джарлы джети элни сёзюн этер.
- Тыш элде солтан болгъандан эсе, кесинги элде олтан болгъан игиди!
- Ёксюзню тилеги къабыл болур.
- Чарсда алчыны эл кёреди.
- Акъыллы башны – тили къысха.
- Ёлмесенг да, къарт дамы болмазса?
- Кеси юйюмде мен да ханма.
- От кюйдюрген, сау болса да, тот кюйдюрген, сау болмаз.
- Кийимни бир кюнню аясанг, минг кюннге джарар.
- Башы джабылгъан челекге, кир тюшмез.
- Эрине къаргъыш этген къатын, эрнин къабар.
- Тамырсыз терекге таянма – джыгъылырса.
- Окъугъан озар, окъумагъан тозар.
- Эртде тургъан бла эртде юйленнген сокъуранмаз.
- Аман эсирсе, юйюн ояр.
- Къоркъакъны кёзю экили кёрюр.
- Кёрмегеннге кебек – танг, битмегеннге сакъал – танг.
- Кёбге таш атма.
- Ойнай билмеген, оюн бузар.
- Этни бети бла шорпасы.
- Сютню башын джалагъан къутулур, тюбюн ичген тутулур.
- Эл ауузу – элек, анга ийнаннган – халек.
- Алтыннга тот къонмаз.
- Халкъгъа джарагъан, джарлы къалмаз.
- Ургъан суудан башынгы сакъла.
- Джаз бир кюнню джатсанг, къыш талай кюнню абынырса.
- Таукел тауну аудурур.
- Тели турса – той бузар.
- Ёпкелегенни ашы татлы болады.
- Кёл ашады да, кеси ашады.
- Зарда марда джокъ.
- Тойгъандан сора, ашны сёкме.
- Мураты болгъанны джюрек тебюую башхады.
- Бастасын ашагъан, хантусун да ичер.
- Татлы сёз – балдан татлы.
- Сёз садакъдан кючлюдю.
- Уллу айтханны этмеген – уллаймаз.
- Кюн – узун, ёмюр – къысха.
- Къулакъдан эсе, кёзге ышан.
- Адам сёзге тынгыла, акъыл сёзню ангыла.
- Бетинги сатма, малынгы сат.
- Кёзю сокъурдан – къоркъма, кёлю сокъурдан – къоркъ.
- Ёгюзню мюйюзюнден тутадыла, адамны сёзюнден тутадыла.
- Чомарт бергенин айтмаз.
- Тау башында, тау болмаз, джангыз терек, бау болмаз.
- Байны оноуу, джарлыгъа джарамаз.
- Тойну къарнашы – харс, джырны къарнашы – эжиу.
Профиль
|
|
|||