- Къалгъан ишге къар джауар.
- Борчунг бар эсе, хурджунунга ойлаб узал.
- Башда акъыл болмаса, эки аякъгъа кюч джетер.
- Айыбны суу бла джууалмазса.
- Джыгъылгъанны сырты джерден тоймаз.
- Эл элде бирер малынг болгъандан эсе, бирер тенгинг болсун.
- Адамны сабийин сюйген джюреги, бычакъча, джитиди.
- Тик ёргени, тик энгишгеси да болады.
- Бал чибинни ургъаны – ачы, балы – татлы.
- Тилчи бир сагъатха айлыкъ хата этер.
- Адеб базарда сатылмаз.
- Джылкъыдан – ат чыгъар, тукъумдан – джаш чыгъар.
- Этни бети бла шорпасы.
- Керилген да, ургъан кибикди.
- Ариуну – ауруу кёб.
- Тёрдеги кюлсе, эшикдеги ышарыр.
- Бюгюн дуния кибик, тамбла ахыратды.
- Чомарт къонакъ юй иесин сыйлар.
- Чабакъсыз кёлге къармакъ салгъанлыкъгъа, чабакъ тутмазса.
- Адебни адебсизден юрен.
- Джюрекден джюрекге джол барды.
- Тойгъа алгъа да барма, тойда артха да къалма.
- Ашхы тенг джолгъа салыр, аман тенг джолдан тайдырыр.
- Уруну арты – къуру.
- Айныгъанлы алты кюн, тогъайгъанлы тогъуз кюн.
- Урама да – ёледи, сатама да – келеди.
- Кийимни бичсенг, кенг бич, тар этген къыйын тюлдю.
- Дуния мал дунияда къалады.
- Тойгъандан сора, ашны сёкме.
- Аурууну келиую тынч, кетиую – къыйын.
- Ата – билек, ана – джюрек!
- Чакъырылмагъан джерге барма, чакъырылгъан джерден къалма.
- Телиге акъыл салгъандан эсе, ёлгеннге джан салырса.
- Босагъагъа джууукъ орун болса, ашыгъыб тёрге озма.
- Джерни букъусу кёкге къонмаз.
- Джарлы джети элни сёзюн этер.
- Билген билмегенни юретген адетди.
- Джырчы джырчыгъа – къарнаш.
- Джыйырма къойну юч джыйырма эбзе кюте эди.
- Эринчекни эр алмаз, эр алса да, кёл салмаз, кёл салса да, кёб бармаз!
- Шекер бла туз – бир болмаз, ушамагъан – юй болмаз.
- Мухар, кеси тойса да, кёзю тоймаз.
- Гугук кесини атын айтыб къычыргъанча, мен, мен деб нек тураса?
- Ёзденликни кёбю ётюрюк.
- Къар – келтирди, суу – элтди.
- Зар адам ашынгы ашар, кесинги сатар.
- Бёрю да ач къалмасын, эчки да ашалмасын.
- Ким бла джюрюсенг, аны кёзю бла кёрюнюрсе.
- Нёгерсизни джолу узун.
- Шапа кёб болса, аш татымсыз болур.
Профиль
|
|
|
|||