- Сютден ауузу кюйген, суугъа юфгюре эди.
- Тилсиз миллет джокъ болур.
- Аш иеси бла татлыды.
- Хансыз джомакъ болмаз.
- Башынга джетмегенни сорма.
- Ёгюзню мюйюзюнден тутадыла, адамны сёзюнден тутадыла.
- Джумушакъ терекни къурт ашар.
- Эки къатын алгъан – эки ташны ортасына башын салгъан.
- Эл ауузу – элек, анга ийнаннган – халек.
- Иги адам абынса да, джангылмаз.
- Уллу сёзде уят джокъ.
- Сууда джау джокъ, кёб сёзде магъана джокъ.
- Къонакъ хазыр болгъанлыкъгъа, къонакъбай хазыр тюлдю.
- Алма терегинден кери кетмез.
- Сёз къанатсыз учар.
- Аджаллыгъа окъсуз шкок атылыр.
- Аш хазыр болса, иш харам болур.
- Этни да ашады, бетни да ашады.
- Ауругъан – джашаудан умутчу.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Танг атмайма десе да, кюн къоярыкъ тюйюлдю.
- Алтыннга тот къонмаз.
- Ариу сёз – джаннга азыкъ, аман сёз – башха къазыкъ.
- Суугъа – таянма, джаугъа – ийнанма.
- Келлик заман – къартлыкъ келтирир, кетген заман – джашлыкъ ёлтюрюр.
- Адам боллукъ, атламындан белгили болур.
- Бети къызарыучу адамны, джюреги харам болмаз.
- Ишлегенде эринме, ишде чолакъ кёрюнме.
- Бети бедерден, намыс сакълама.
- Агъач халкъгъа алтынды, иссиликге салкъынды.
- Терек ауса, отунчу – кёб.
- Башы джабылгъан челекге, кир тюшмез.
- Къар – келтирди, суу – элтди.
- Кесинг сынамагъан затны, адамгъа буюрма.
- Гугурук къычырмаса да, тангны атары къалмаз.
- Ач келгенни – тойдур, кеч келгенни – къондур.
- Таула не мийик болсала да, аууш табылыр.
- Малны кют, джерни тюрт.
- Бети – къучакълар, джюреги – бычакълар.
- Айныгъанлы алты кюн, тогъайгъанлы тогъуз кюн.
- Мени джылытмагъан кюн, меннге тиймесин!
- Ётюрюкден тюбю джокъ, кёлтюрюрге джиби джокъ.
- Тил – миллетни джаны.
- Къарт болгъан джерде, берекет болур, сабий болгъан джерде, оюн болур.
- Кёб къычыргъандан – къоркъма, тынч олтургъандан – къоркъ.
- Бетинги сатма, малынгы сат.
- Урунуу – насыбны анасы.
- Эрни эр этерик да, къара джер этерик да, тиширыуду.
- Терслик кетер, тюзлюк джетер.
- Биреу къой излей, биреу той излей.
Профиль
|
|
|
|||