- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джашда акъыл джокъ, къартда къарыу джокъ.
- Кёзю сокъурдан – къоркъма, кёлю сокъурдан – къоркъ.
- Джарлыны эшигин махтагъан джабар.
- Байлыкъ келсе, акъыл кетер.
- Сангырау къулакъ эл бузар.
- Гугурук къычырмаса да, тангны атары къалмаз.
- Ариу джол аджал келтирмез.
- Окъугъан озар, окъумагъан тозар.
- Джылар джаш, атасыны сакъалы бла ойнар.
- Тамчы таш тешер.
- Джашынгы кесинг юретмесенг, джашау юретир.
- Айырылгъанланы айю ашар, бёлюннгенлени бёрю ашар.
- Байны оноуу, джарлыгъа джарамаз.
- Айырылмаз джууугъунга, унутмаз сёзню айтма.
- Айыбны суу бла джууалмазса.
- Сёз къанатсыз учар.
- Джигер – джаннга къыйынлыкъ.
- Ётген ёмюр – акъгъан суу.
- Тура эдим джата, къайдан чыкъды хата?
- Джолда аягъынга сакъ бол, ушакъда тилинге сакъ бол.
- Байдан умут эте, джарлыдан ёгюз багъасы къорады.
- Рысхы – сют юсюнде кёмюк кибикди.
- Кёб къычыргъандан – къоркъма, тынч олтургъандан – къоркъ.
- Аш кетер да бет къалыр.
- Окъугъанны бети джарыкъ.
- Ишленмеген джаш – джюгенсиз ат, ишленмеген къыз – тузсуз хант.
- Бойнуму джети джерден кессенг да, мен ол ишни этеллик тюлме.
- Ач, тоймам, дейди, тойгъан, ач болмам, дейди.
- Аллахха ийнаннган кишини, Аллах онгдурур ишин.
- Таукелге нюр джауар.
- Чабакъ башындан чирийди.
- Ашхы сёз таш тешер.
- Бичгенде ашыкъма, тикгенде ашыкъ.
- Артына баргъанны, къатына барма.
- Акъдан къара болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Арбаз сайлама да, хоншу сайла.
- Зар адамны насыбы болмаз.
- Дуния малгъа сатылма, кесингден телиге къатылма.
- Юйлю уругъа ит чабмаз.
- Тёзгеннге, джабылгъан эшик ачылыр.
- Джангыз торгъай джырламаз.
- Бети – къучакълар, джюреги – бычакълар.
- Бети бедерден, намыс сакълама.
- Кесинг сынамагъан затны, адамгъа буюрма.
- Сормай – алма, чакъырылмай – барма.
- Къыйынлы джети элге оноу этер.
- Биреуге кёлтюрген таягъынг, кесинги башынга урур.
- Адебни адебсизден юрен.
Профиль
|
|
|||