- Къалгъан ишге къар джауар.
- Ойнай билмеген, уруб къачар.
- Миллетни бойну – базыкъ, аны бла кюрешген – джазыкъ.
- Берекет берсин деген джерде, берекет болур.
- Уллу сёзде уят джокъ.
- Чыбыкълыкъда бюгюлмеген, къазыкълыкъда бюгюлмей эди.
- Ауурну тюбю бла, дженгилни башы бла джюрюген.
- Терслик кетер, тюзлюк джетер.
- Уруну арты – къуру.
- Айтхан сёзюне табылгъан.
- Ёгюзню мюйюзюнден тутадыла, адамны сёзюнден тутадыла.
- Ханы къызы буюгъа-буюгъа киштик болду.
- Сёз садакъдан кючлюдю.
- Къарнынг тойгъунчу аша да, белинг талгъынчы ишле.
- Ойнай билмеген, оюн бузар.
- Зар адам ашынгы ашар, кесинги сатар.
- Элиб деген, элге болушур.
- Уллу суу бла уллу ауруудан башынгы сакъла.
- Дженгил джетерикме деб, узун джолну къоюб, къысхасын барма.
- Кимни – тили, тиши онглу, кимни – къолу, иши онглу.
- Алгъанда – джууукъ, бергенде – джау.
- От этилмеген джерден тютюн чыкъмайды.
- Къонакъ кёб келюучю юйню, къазаны отдан тюшмез.
- Бети бедерден, намыс сакълама.
- Джолунга кёре – джюрюшюнг, джагъанга кёре – юлюшюнг.
- Ойнаб айтсанг да, эслеб айт.
- Сютню башын джалагъан къутулур, тюбюн ичген тутулур.
- Ёксюзню тилеги къабыл болур.
- Адамгъа аман кюн соруб келмейди.
- Иги – алгъыш этер, аман – къаргъыш этер.
- Адеб базарда сатылмаз.
- Къыз тиширыу кеси юйюнде да къонакъды.
- Телиге акъыл салгъандан эсе, ёлгеннге джан салырса.
- Окъдан джара эртде-кеч болса да бителир, сёз джара, ёмюрге къалыр.
- Огъурлуну сёзю – суу, огъурсузну сёзю – уу.
- Аман хансны – урлугъу кёб.
- Кёб ант этген, кёб ётюрюк айтыр.
- Иги адам абынса да, джангылмаз.
- Терек ауса, отунчу – кёб.
- Атлыны ашхысы, ат тизгининден билинир
- Къонакъны къачан кетерин сорма, къачан келлигин сор.
- Окъумагъан сокъурду, сокъур ташха абыныр!
- Къонакъ аман болса, къонакъбай джунчур
- Таугъа чыгъаллыкъ эсенг, тюзде къалма.
- Башсыз урчукъ тюзюне айланмаз.
- Тау башында, тау болмаз, джангыз терек, бау болмаз.
- Кюлме джашха – келир башха.
- Тёзгеннге, джабылгъан эшик ачылыр.
- Джырына кёре эжиую.
- Джол бла сёзню къыйыры джокъ.
Профиль
|
|
|||