- Ашхылыкъ джерде джатмайды, аманлыкъ суугъа батмайды.
- Эртде тургъан бла эртде юйленнген сокъуранмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сабий кёргенин унутмаз.
- Тилсиз миллет джокъ болур.
- Чомарт джарлы болмаз.
- Насыб бютеу халкъны юлюшюдю.
- Бал – татлы, балдан да бала – татлы.
- Хар зат кесини орнуна иги.
- Джыгъылгъанны сырты джерден тоймаз.
- Узун джолну барсанг, бюгюн келирсе, къысха джолну барсанг, тамбла келирсе.
- Адамны джюреги нени кёрюрге сюйсе, кёзю да аны кёрюрге ёч болады.
- Нарт сёз къарт болмаз.
- Бетинги сатма, малынгы сат.
- Тойгъа барсанг, тоюб бар, эски тонунгу къоюб бар.
- Джаралыны джастыгъында сау ёлюр.
- Чабар ат – джетген къыз.
- Джаш къарыу бла кючлю, къарт акъыл бла кючлю.
- Джаш болсун, къыз болсун, акъылы, саны тюз болсун.
- Сакъалы текени да бар, мыйыгъы киштикни да бар.
- Иги джашны ышаны – аз сёлешиб, кёб тынгылар.
- Джумушакъ терекни къурт ашар.
- Къонакъ болсанг, ийнакъ бол.
- Арбаз сайлама да, хоншу сайла.
- Ургъан суудан башынгы сакъла.
- Ач – эснер, ат – кишнер.
- Иги – алгъыш этер, аман – къаргъыш этер.
- Аууздан келген, къолдан келсе, ким да патчах болур эди.
- Тулпарлыкъ, билекден тюл – джюрекден.
- Уруну арты – къуру.
- Бёрю да ач къалмасын, эчки да ашалмасын.
- Итли къонакъ джарашмаз.
- Чомарт къонакъ юй иесин сыйлар.
- Ариу сёз аурууунгу алыр.
- Эл ауузу – элек, анга ийнаннган – халек.
- Къарнынг къанлынга кийирир.
- Джашда акъыл джокъ, къартда къарыу джокъ.
- Эри аманны, къатыны – аман.
- Ашхы атаны – джашы ашхы, ашхы ананы – къызы ашхы.
- Байма, деб да, къууанма, джарлыма, деб да, джылама.
- Кеси юйюмде мен да ханма.
- Акъдан къара болмаз.
- Джетген къыз джерли эшекни танымаз.
- Билеги кючлю, бирни джыгъар, билими кючлю, мингни джыгъар.
- Къанны къан бла джуума, аманны аман бла къуума.
- Бети – къучакълар, джюреги – бычакълар.
- «Ма», - дегенни билмесенг, «бер», - дегенни билмезсе.
- Билим – акъылны чырагъы.
- Билимсиз иш бармаз.
- Орундукъ тюбюнде атылсам да, орта джиликме, де да айлан.
Профиль
|
|
|
|||