- Тойгъан джерден туугъан джер игиди.
- Уясында не кёрсе, учханында аны этер.
- Сормай – алма, чакъырылмай – барма.
- Билгенни къолу къарны джандырыр.
- Къайтырыкъ эшигинги, къаты уруб чыкъма.
- Аууз сакълагъан – джан сакълар.
- Аллахха ийнаннган кишини, Аллах онгдурур ишин.
- Тик ёргени, тик энгишгеси да болады.
- Акъыллы эркиши атын махтар, акъылсыз эркиши къатынын махтар.
- Таш бла ургъанны, аш бла ур.
- Къарт болгъан джерде, берекет болур, сабий болгъан джерде, оюн болур.
- Эл ауузу – элия.
- Аш кетер да бет къалыр.
- Тил джюрекге джол ишлейди.
- Башынга джетмегенни сорма.
- Эртде тургъан бла эртде юйленнген сокъуранмаз.
- Ашда уялгъан – мухар, ишде уялгъан – хомух.
- Къыз чыгъаргъан – къызыл къымжа.
- Игиге айтсанг – билир, аманнга айтсанг – кюлюр.
- Тамбла алтындан бюгюн багъыр ашхы.
- Къар – келтирди, суу – элтди.
- Ётген ёмюр – акъгъан суу.
- Сабыр джетер муратха, сабырсыз къалыр уятха.
- Ана кёлю – балада, бала кёлю – талада.
- Ётюрюкню къуйругъу – бир тутум.
- Билген билмегенни юретген адетди.
- Адебсиз адам – джюгенсиз ат.
- Ёксюзню къалачы уллу кёрюнюр.
- Тюзню ётмеги тюзде къалса да, тас болмаз.
- Кёпюр салгъан кеси ётер, уру къазгъан кеси кетер.
- Аякъларынгы джууургъанынга кёре узат.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джиби бир къат джетмей эди да, эки къат тарта эди.
- Айранын берсенг, челегин да къызгъанма.
- Къызбайны юйюне дери сюрсенг, батыр болур.
- Кёл ашады да, кеси ашады.
- Эринчекге кюн узун.
- Ата джурт – алтын бешик.
- Тиширыусуз юй – отсуз от джагъа.
- Джангыз торгъай джырламаз.
- Дуния аламаты сен эсенг да, игиме деб айтма.
- Биреуню эскиси биреуге джангы болмайды.
- Баргъанынга кёре болур келгенинг.
- Къызын тута билмеген, тул этер, джашын тута билмеген, къул этер.
- Чомартха хар кюн да байрамды.
- Сакъалы текени да бар, мыйыгъы киштикни да бар.
- Олтуруб кёрюнмей эди да, ёрге туруб кёрюне эди.
- Кюн кёрмеген, кюн кёрсе, кюндюз чыракъ джандырыр.
- Адеб базарда сатылмаз.
- Ач келгенни – тойдур, кеч келгенни – къондур.
Профиль
|
||||