- Джырчы джырчыгъа – къарнаш.
- Абынмазлыкъ аякъ джокъ, джангылмазлыкъ джаякъ джокъ.
- Ач, тоймам, дейди, тойгъан, ач болмам, дейди.
- Кёб къычыргъандан – къоркъма, тынч олтургъандан – къоркъ.
- Ишленмеклик адамлыкъды.
- Алтыннга тот къонмаз.
- Къарт айтханны этмеген, къартаймаз.
- Ишин билген, аны сыйын чыгъарады.
- Хата – гитчеден.
- Тойгъанлыкъ къойгъа джарашады.
- Ишге юренсин къоллары, халкъ бла болсун джоллары.
- Телиге от эт десенг, юйюнге от салыр.
- Суугъа – чабакъ, къаягъа – ыргъакъ.
- Аман къатын алгъан, арыр, иги къатын алгъан джарыр.
- Эшекге миннген – биринчи айыб, андан джыгъылгъан – экинчи айыб.
- Джырына кёре эжиую.
- Садакъачыны джаны – къапчыгъында.
- Кёзден кетген, кёлден да кетеди.
- Иги джашны ышаны – аз сёлешиб, кёб тынгылар.
- Ашын ашагъанынгы, башын да сыйла.
- Иги адамны бир сёзю эки болмаз.
- Айран ичген – къутулду, джугъусун джалагъан – тутулду.
- Айтхан сёзюне табылгъан.
- Тойгъа алгъа да барма, тойда артха да къалма.
- Сёз сёзню айтдырыр.
- Аманнга алтын чыдамаз.
- Ауругъанны сау билмез, ач къарынны токъ билмез.
- Къалгъан ишге къар джауар.
- Дуния аламаты сен эсенг да, игиме деб айтма.
- Элде адам къалмаса, ит тахтагъа минер.
- Болджал ишни бёрю ашар.
- Келинин тута билмеген, къул этер, къызын тута билмеген, тул этер.
- Ашхы адам – халкъ байлыгъы, ашхы джер – джашау байлыгъы.
- Терек ауса, отунчу – кёб.
- Ачлыкъда тары гырджын халыуадан татлы.
- Ашына кёре табагъы, балына кёре къалагъы.
- Бир онгсуз адам адет чыгъарды, деб эштирик тюлсе.
- Байны къызы баймакъ болса да, юйде къалмаз!
- Джети тилни билген джети кишиди.
- Иги сёз – джаннга азыкъ, аман сёз башха – къазыкъ.
- Акъылсызны джууукъгъа алма, акъыллыны кенгнге салма.
- Чомартха Тейри да борчлуду.
- Джылыгъа джылан илешир.
- Хар ишни да аллы къыйынды.
- Чомарт къолда мал къалмаз.
- Эр абынмай, эл танымаз.
- Къайгъыны сюйген, къайгъы табар.
- Зарда марда джокъ.
- Намыс сатылыб алынмайды.
- Окъугъанны бети джарыкъ.
Профиль
|
|
|
|||