- Игиге айтсанг – билир, аманнга айтсанг – кюлюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Акъыллы – эл иеси, тели – эл баласы.
- Элиб деген, элге болушур.
- Гырджын – тепсини тамадасы.
- Кёлю джокъну – джолу джокъ.
- Ашхы сёз таш тешер.
- Тил – кесген бычакъ, сёз – атылгъан окъ.
- Кёбден умут этиб, аздан къуру къалма.
- Айтхан сёзюне табылгъан.
- Айран тёгюлсе, джугъусу къалыр.
- Байма, деб да, къууанма, джарлыма, деб да, джылама.
- Тил – миллетни джаны.
- Телиге от эт десенг, юйюнге от салыр.
- Агъач – джерни чырайы, кийим – эрни чырайы.
- Кёбге таш атма.
- Гыдай эчки суугъа къараб, мюйюзле кёрмесе, джашма алкъын, дегенди.
- Тыш элде солтан болгъандан эсе, кесинги элде олтан болгъан игиди!
- Кёзюнде тереги болгъан, чёбю болгъаннга кюле эди.
- Юй кюйдю да, кюйюз чыкъды, ортасындан тюйюш чыкъды.
- Таукел къуру къалмаз.
- Кёб къычыргъандан – къоркъма, тынч олтургъандан – къоркъ.
- Акъыллы айтыр эди, акъылсыз къоймайды.
- Иги джашны ышаны – аз сёлешиб, кёб тынгылар.
- Тойгъа алгъа да барма, тойда артха да къалма.
- Онгсузну – джакъла, тенгликни – сакъла.
- Гугурук къычырмаса да, тангны атары къалмаз.
- Аллахха ийнаннган кишини, Аллах онгдурур ишин.
- Накъырданы арты керти болур.
- Атлыны ашхысы, ат тизгининден билинир
- Айырылмаз джууугъунга, унутмаз сёзню айтма.
- Босагъа таш юйге кирмей эди, тыбыр таш эшикге чыкъмай эди.
- Босагъагъа джууукъ орун болса, ашыгъыб тёрге озма.
- Байны къызы баймакъ болса да, юйде къалмаз!
- Къонакъ болсанг, ийнакъ бол.
- Ашхылыкъ джерде джатмайды, аманлыкъ суугъа батмайды.
- Суу ичген шауданынга тюкюрме.
- Тойгъа барсанг, тоюб бар, эски тонунгу къоюб бар.
- Хунаны тюбюн къазсанг, юсюнге ауар.
- Ушамагъан – джукъмаз.
- Чомартха Тейри да борчлуду.
- Ётюрюкден тюбю джокъ, кёлтюрюрге джиби джокъ.
- Гугук кесини атын айтыб къычыргъанча, мен, мен деб нек тураса?
- Тенги кёбню джау алмаз, акъылы кёбню дау алмаз.
- Ариу сёз – къылычдан джити.
- Борчунг бар эсе, хурджунунга ойлаб узал.
- Сютню башын джалагъан къутулур, тюбюн ичген тутулур.
- Кийимни бир кюнню аясанг, минг кюннге джарар.
- Тил бла келеди джыр да.
- Тойну къарнашы – харс, джырны къарнашы – эжиу.
Профиль
|
|
|
|||