- Сабыр джетер муратха, сабырсыз къалыр уятха.
- Илму – джашауну джолу.
- Аллахха ийнаннган кишини, Аллах онгдурур ишин.
- Кюн кёрмеген, кюн кёрсе, кюндюз чыракъ джандырыр.
- Аджаллыгъа окъсуз шкок атылыр.
- Булут кёкге джарашыу, уят бетге джарашыу.
- Джюрек кёзден алгъа кёрюр.
- Аман киши кеси юйюнде – къонакъ.
- Хансыз джомакъ болмаз.
- Бал – татлы, балдан да бала – татлы.
- Билеги кючлю, бирни джыгъар, билими кючлю, мингни джыгъар.
- Иги адамны бир сёзю эки болмаз.
- Сютден ауузу кюйген, суугъа юфгюре эди.
- Тили узунну, намысы – къысха.
- Билген билмегенни юретген адетди.
- Сакъ юйюне сау барыр.
- Хунаны тюбюн къазсанг, юсюнге ауар.
- Адамны адамлыгъы къыйынлыкъда айгъакъланады.
- Аманны эки битли тону болур, бирин сеннге кийдирир, бирин кеси киер.
- Къартха ушагъан джаш – акъыллы, джашха ушагъан къарт – тели.
- Тамчы таш тешер.
- Зар адам ашынгы ашар, кесинги сатар.
- Окъуусуз билим – джокъ, билимсиз кюнюнг – джокъ.
- Хазыр ашха – терен къашыкъ.
- Аман адамны тепсинге олтуртсанг, къызынгы тилер.
- Окъугъан озар, окъумагъан тозар.
- Акъыл къартда, джашда тюйюлдю – башдады.
- Ачны эсинде – аш.
- Хар ишни да аллы къыйынды.
- Айтхан – тынч, этген – къыйын.
- Адам туугъан джеринде, ит тойгъан джеринде.
- Джарлыны эшигин махтагъан джабар.
- Ариу сёз – къылычдан джити.
- Тамырсыз терекге таянма – джыгъылырса.
- Аз сёлешген, къайгъысыз турур.
- Рысхы – сют юсюнде кёмюк кибикди.
- Ашхылыкъ джерде джатмайды, аманлыкъ суугъа батмайды.
- Кенгеш болса, уруш болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Чакъырылмагъан къонакъ тёрге атламаз.
- Босагъагъа джууукъ орун болса, ашыгъыб тёрге озма.
- Тойгъа барсанг, тоюб бар, эски тонунгу къоюб бар.
- Урама да – ёледи, сатама да – келеди.
- Сыфатында болмагъаны, суратында болмаз.
- Адамны сыфатына къарама, сёзюне къара.
- Ат да турмайды бир териде.
- Нёгерсизни джолу узун.
- Ёгюзню мюйюзюнден тутадыла, адамны сёзюнден тутадыла.
- Ишлерге уял да, ашаргъа табма.
- Хатерли къул болур.
Профиль
|
|
|
|||