- Эр абынмай, эл танымаз.
- Ата – баланы уясы.
- Огъурлуну сёзю – суу, огъурсузну сёзю – уу.
- Эки элинги тыйсанг, джети элде махталырса.
- Сууда джау джокъ, кёб сёзде магъана джокъ.
- Таукелге нюр джауар.
- Къыйынлы джети элге оноу этер.
- Мухар, кеси тойса да, кёзю тоймаз.
- Чакъырылгъанны аты, чакъырылмагъанны багъасы болур.
- Бозанг болмагъан джерге, къалагъынгы сукъма.
- Окъугъан озар, окъумагъан тозар.
- Элни кючю – эмеген.
- Джаханимни кёрмей, джандетге кёл салмазса.
- Насыб бютеу халкъны юлюшюдю.
- Этни бети бла шорпасы.
- Бети къызарыучу адамны, джюреги харам болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Хатерли къул болур.
- Юй кюйдю да, кюйюз чыкъды, ортасындан тюйюш чыкъды.
- Айранны сюйген, ийнек тутар.
- Къая джолда джортма, ачыкъ сёзден къоркъма.
- Намысы джокъну – дуниясы джокъ.
- Игини сыйлагъан адетди.
- Ёнгкюч къууана барыр, джылай келир.
- Тюз сёз баргъан сууну тыяр.
- Къоркъакъны кёзю экили кёрюр.
- Ушамагъан – джукъмаз.
- Кийиминг бла танылма, адамлыкъ бла таныл.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сормай – алма, чакъырылмай – барма.
- Ач да бол, токъ да бол – намысынга бек бол.
- Игиге айтсанг – билир, аманнга айтсанг – кюлюр.
- Джангыз торгъай джырламаз.
- Башда акъыл болмаса, эки аякъгъа кюч джетер.
- Азыкъ аз болса, эртде орун сал.
- Чёбню кёлтюрсенг, тюбюнден сёз чыгъар.
- Хансыз джомакъ болмаз.
- Къыйынлы джети элни къайгъысын этер.
- Чабар ат – джетген къыз.
- Тешигини къатында, чычхан да батыр болур.
- Эки къатын алгъанны къулагъы тынгнгаймаз.
- Джюз элде джюз ёгюзюм болгъандан эсе, джюз джууугъум болсун.
- Башы ишлегенни, ауузу да ишлер.
- Ёлмесенг да, къарт дамы болмазса?
- Юйлю уругъа ит чабмаз.
- Адебни адебсизден юрен.
- Рысхы – сют юсюнде кёмюк кибикди.
- Ишни аллы бла къууанма да, арты бла къууан.
- Сабыр джетер муратха, сабырсыз къалыр уятха.
- Адамгъа аман кюн соруб келмейди.
Профиль
|
iimperiyamebeli
 Эльбрусоид
Баллов: 0
Регистрация: 29.11.2016
Последний визит: 29.11.2016 21:13:40
|
|
||||||
|
|
|
||||||