Эльбрусоид :: Форум

Ётюрюкден тюбю джокъ, кёлтюрюрге джиби джокъ.
Нёгерсизни джолу узун.
Къонакъ болсанг, ийнакъ бол.
Тилчиден кери бол.
Билим – акъылны чырагъы.
Къонагъы джокъну – шоху джокъ.
Къыйынлы джети элни къайгъысын этер.
Тил джюрекге джол ишлейди.
Иги бла джюрюсенг, джетерсе муратынга, аман бла джюрюсенг, къалырса уятха.
Айраннга суу къош, телиге джол бош.
Тенгинг джокъ эсе – изле, бар эсе – сакъла!
Кесине гебен этелмеген, биреуге черен эте эди.
Ата Джуртча джер болмаз, туугъан элча эл болмаз.
Телиге от эт десенг, юйюнге от салыр.
Суу да къайтады чыкъгъан джерине.
Ёгюзню мюйюзюнден тутадыла, адамны сёзюнден тутадыла.
Къарнынг бла ёч алма.
Айранын берсенг, челегин да къызгъанма.
Ана кёлю – балада, бала кёлю – талада.
Уясында не кёрсе, учханында аны этер.
Айныгъанлы алты кюн, тогъайгъанлы тогъуз кюн.
Къайтырыкъ эшигинги, къаты уруб чыкъма.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къатыны харакетли болса, эри къымсыз болур.
Сабий кёргенин унутмаз.
Гитче джилтин уллу элни джандырыр.
Эки ойлашыб, бир сёлешген.
Байны оноуу, джарлыгъа джарамаз.
Чакъырылгъанны аты, чакъырылмагъанны багъасы болур.
Aдам боллукъ, сыфатындан белгили.
Арба аугъандан сора, джол кёргюзтюучю кёб болур.
Къыз чыгъаргъан – къызыл къымжа.
Сибиртки да сыйлы болду, кюрек да кюнлю болду.
Керилген да, ургъан кибикди.
Тюз сёз баргъан сууну тыяр.
Иесиз малны бёрю ашар.
Кийимни бир кюнню аясанг, минг кюннге джарар.
Дуния мал дунияда къалады.
Акъыл сабырлыкъ берир.
Чарсда алчыны эл кёреди.
Къонакъ кёб келюучю юйню, къазаны отдан тюшмез.
Айтылгъан буйрукъ, сёгюлмез
Чёбню кёлтюрсенг, тюбюнден сёз чыгъар.
Ауузу аманнга «иги», деме.
Рысхы – сют юсюнде кёмюк кибикди.
Нафысынгы айтханын этме, намысынгы айтханын эт.
Кёб джат да, бек чаб.
Душманны тышы – акъ, ичи – къара.
Экеу тутушса, биреу джыгъылыр.
Телиге акъыл салгъандан эсе, ёлгеннге джан салырса.

Логин:
Пароль:
	Запомнить меня на этом компьютере

Забыли свой пароль?
Регистрация