- Урунуу – насыбны анасы.
- Тойгъанлыкъ къойгъа джарашады.
- Башы джабылгъан челекге, кир тюшмез.
- Туз, гырджын аша, тюзлюк бла джаша.
- Эки ойлашыб, бир сёлешген.
- Ойнай билмеген, оюн бузар.
- Юреннген ауруу къалмаз.
- Суу ичген шауданынга тюкюрме.
- Бозаны арты дауур болур.
- Ёзденликни джайгъан – джокълукъ.
- Иши джокъну, сыйы джокъ.
- Бал чибинни ургъаны – ачы, балы – татлы.
- Къонагъы джокъну – шоху джокъ.
- Сабий болмагъан джерде, мёлек болмаз.
- Бёрю да ач къалмасын, эчки да ашалмасын.
- Рысхы – насыбха къор.
- Иесиз малны бёрю ашар.
- Къатыны харакетли болса, эри къымсыз болур.
- Ауругъан – джашаудан умутчу.
- Этим кетсе да, сюегим къалыр.
- Кёрмегеннге кебек – танг, битмегеннге сакъал – танг.
- Къызны минг тилер, бир алыр.
- Окъ къызбайны джокълайды.
- Мал ёлсе, сюек къалыр, адам ёлсе, иши къалыр.
- Чакъырылгъанны аты, чакъырылмагъанны багъасы болур.
- Акъыллы – эл иеси, тели – эл баласы.
- Адам туугъан джеринде, ит тойгъан джеринде.
- Къошда джокъгъа – юлюш джокъ.
- Суугъа – таянма, джаугъа – ийнанма.
- Къонакъ аман болса, къонакъбай джунчур
- Орну джокъну – сыйы джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Билгенни къолу къарны джандырыр.
- Чомарт джарлы болмаз.
- Джюрекге ариу – кёзге да ариу.
- Оюмсуз атлагъан, аджалсыз ёлюр.
- Башсыз урчукъ тюзюне айланмаз.
- Ариу сёз – къылычдан джити.
- Джыйырма къойну юч джыйырма эбзе кюте эди.
- Биреуге аманлыкъ этиб, кесинге игилик табмазса.
- Асхат ашлыкъ сата, юйдегиси ачдан къата.
- Тулпарлыкъ, билекден тюл – джюрекден.
- Аджаллыгъа окъсуз шкок атылыр.
- Мал кёб болса, джууукъ кёб болур.
- Хата – гитчеден.
- Бал ашаргъа сюе эсенг, чибин ургъаннга тёз.
- Биреуню къыйынлыгъы бла кесинге джол ишлеме.
- Аллахдан тилесенг, кёб тиле.
- Чабар ат – джетген къыз.
- Арпа, будай – ащды, алтын, кюмюш а – ташды.
Профиль
|
santechnikru
 Эльбрусоид
Баллов: 0
Регистрация: 16.11.2016
Последний визит: 16.11.2016 22:26:44
|
|
||||||
|
|
|
||||||