- Шекер бла туз – бир болмаз, ушамагъан – юй болмаз.
- Хансыз джомакъ болмаз.
- Къоркъакъны кёзю экили кёрюр.
- Джюрекге ариу – кёзге да ариу.
- Сакъламагъан затынга джолукъсанг, не бек къууанаса, не бек ачыйса.
- Билимсиз иш бармаз.
- Чомартны къолу берекет.
- Чомарт джарлы болмаз.
- Айтылгъан буйрукъ, сёгюлмез
- Уллу айтханны этмеген – уллаймаз.
- Аджашхан тёгерек айланыр.
- Джарлы джети элни сёзюн этер.
- Тулпарлыкъ, билекден тюл – джюрекден.
- Адамны джюреги нени кёрюрге сюйсе, кёзю да аны кёрюрге ёч болады.
- Къарнынг къанлынга кийирир.
- Аман хансны – урлугъу кёб.
- Айран ичген – къутулду, джугъусун джалагъан – тутулду.
- Суу кетер, таш къалыр.
- Эшекге миннген – биринчи айыб, андан джыгъылгъан – экинчи айыб.
- Гыдай эчки суугъа къараб, мюйюзле кёрмесе, джашма алкъын, дегенди.
- Къарын къуру болса, джюрек уру болур.
- Аман киши кеси юйюнде – къонакъ.
- Айырылмаз джууугъунга, унутмаз сёзню айтма.
- Чабакъгъа акъыл, табагъа тюшсе келеди.
- Хазыр ашха – терен къашыкъ.
- Хантына кёре тузу, юйюне кёре къызы.
- Къозулугъунда тоймагъан, къойлугъунда тоймаз.
- Ач бёрюге мекям джокъ.
- Бетинги сатма, малынгы сат.
- Башы ишлегенни, ауузу да ишлер.
- Ариу джол аджал келтирмез.
- Чакъырылмагъан къонакъ – орунсуз.
- Ашатыргъа иш – ашхы, ишлетирге аш – ашхы.
- Мени джылытмагъан кюн, меннге тиймесин!
- Ауузу аманнга «иги», деме.
- Махтаннган къыз, тойда джукълар.
- Кимни – тили, тиши онглу, кимни – къолу, иши онглу.
- Тели турса – той бузар.
- Тилчи бир сагъатха айлыкъ хата этер.
- Намыс болмагъан джерде, насыб болмаз.
- Биреуню къыйынлыгъы бла кесинге джол ишлеме.
- Дженгил джетерикме деб, узун джолну къоюб, къысхасын барма.
- Биреу ашаб къутулур, биреу джалаб тутулур.
- Бал ашаргъа сюе эсенг, чибин ургъаннга тёз.
- Аякъларынгы джууургъанынга кёре узат.
- Мал ёлсе, сюек къалыр, адам ёлсе, иши къалыр.
- Ариу сёз – джаннга азыкъ, аман сёз – башха къазыкъ.
- Джырчы джырчыгъа – къарнаш.
- Сормай – алма, чакъырылмай – барма.
- Бети – къучакълар, джюреги – бычакълар.
Профиль
|
||||