- Хар сёзню орну барды.
- Ишлерге уял да, ашаргъа табма.
- Акъыл аздырмаз, билим тоздурмаз.
- Ашыкъгъан cуу, тенгизге джетмез.
- Тик ёргени, тик энгишгеси да болады.
- Керек ташны ауурлугъу джокъ.
- Сыфатында болмагъаны, суратында болмаз.
- Онгсузну – джакъла, тенгликни – сакъла.
- Тау башында, тау болмаз, джангыз терек, бау болмаз.
- Башда акъыл болмаса, эки аякъгъа кюч джетер.
- Айырылгъанланы айю ашар, бёлюннгенлени бёрю ашар.
- Къызбайны юйюне дери сюрсенг, батыр болур.
- Эки элинги тыйсанг, джети элде махталырса.
- Экеулен сёлеше тура эселе, орталарына барыб кирме.
- Кенгеш болса, уруш болмаз.
- Ауругъан – джашаудан умутчу.
- Келгинчи, къонакъ уялыр, келгенден сора, къонакъбай уялыр.
- Чарсда алчыны эл кёреди.
- Окъугъанны бети джарыкъ.
- Аман киши кеси юйюнде – къонакъ.
- Ата Джуртуму башы болмасам да, босагъасында ташы болайым.
- Ач къарным, тынч къулагъым.
- Мураты болгъанны джюрек тебюую башхады.
- Къошда джокъгъа – юлюш джокъ.
- Эм ашхы къайын ана мамукъ бла башынгы тешер.
- Джюз элде джюз ёгюзюм болгъандан эсе, джюз джууугъум болсун.
- Тамчы таш тешер.
- Билгенни къолу къарны джандырыр.
- Олтуруб кёрюнмей эди да, ёрге туруб кёрюне эди.
- Адам боллукъ, атламындан белгили болур.
- Келинни – келгинчи, бёркню кийгинчи кёр.
- Къарт болгъан джерде, берекет болур, сабий болгъан джерде, оюн болур.
- Джюрекге ариу – кёзге да ариу.
- Чалманны аллы къалай башланса, арты да алай барады.
- Таш бла ургъанны, аш бла ур.
- Къууут – джелге, берне – бошха.
- Берекет берсин деген джерде, берекет болур.
- Халкъны юйю – туугъан джери.
- Кийимни бир кюнню аясанг, минг кюннге джарар.
- Сёз – кюмюш, джыр – алтын.
- Азыгъы аз, алгъа къабар, аты аман, алгъа чабар.
- Уруну арты – къуру.
- Тил – кесген бычакъ, сёз – атылгъан окъ.
- Бойнуму джети джерден кессенг да, мен ол ишни этеллик тюлме.
- Ашда – бёрю, ишде – ёлю.
- Атадан ёксюз – бир ёксюз, анадан ёксюз – эки ёксюз.
- Аш берме да, къаш бер.
- Окъдан джара эртде-кеч болса да бителир, сёз джара, ёмюрге къалыр.
- Билмейме деген – бир сёз
- Ач да бол, токъ да бол – намысынга бек бол.
Профиль
|
||||