- Келлик заман – къартлыкъ келтирир, кетген заман – джашлыкъ ёлтюрюр.
- Ашхы тенг джолгъа салыр, аман тенг джолдан тайдырыр.
- Джан саулукъ бермей, сан саулукъ бермезсе.
- Таукел тауну аудурур.
- Хантына кёре тузу, юйюне кёре къызы.
- Аман эсирсе, юйюн ояр.
- Тёрде – темир таякълы, къаяда – чыпчыкъ аякълы.
- Эки элинги тыйсанг, джети элде махталырса.
- Ач уят къоймаз.
- Тил – кесген бычакъ, сёз – атылгъан окъ.
- Мен да «сен», дейме, сен да «кесим», дейсе.
- Ауурну тюбю бла, дженгилни башы бла джюрюген.
- Билмейме деген – бир сёз
- Ишлемеген – тишлемез.
- Ашыкъгъанны этеги бутуна чырмалыр.
- Ёксюзню тилеги къабыл болур.
- Иши джокъну, сыйы джокъ.
- Джарлыны тону джаз битер.
- Билеги кючлю, бирни джыгъар, билими кючлю, мингни джыгъар.
- Уруну арты – къуру.
- Эски джаугъа ышанма.
- Aдам боллукъ, сыфатындан белгили.
- Бастасын ашагъан, хантусун да ичер.
- Керти сёзге тёре джокъ.
- Ачыу алгъа келсе, акъыл артха къалады.
- Ана – юйню кюн джарыгъы.
- Чарсда алчыны эл кёреди.
- Ачылгъан эт джабылыр, кёрген кёз унутмаз.
- Мухарны эси – ашарыкъда.
- Сагъыш – къартлыкъгъа сюйюмчю.
- Ёлмесенг да, къарт дамы болмазса?
- Сютден ауузу кюйген, суугъа юфгюре эди.
- Ач къарынны, токъ билмез
- Къонакъ хазыр болгъанлыкъгъа, къонакъбай хазыр тюлдю.
- Ариу сёз джыланны орнундан чыгъарыр.
- Ачлыкъ отха секиртир.
- Аш берме да, къаш бер.
- Эринчекге кюн узун.
- Аджалсыз ёлюм болмаз.
- Ёзденликни кёбю ётюрюк.
- Экиндини кеч къылсанг, чабыб джетер ашхам.
- Билимден уллу байлыкъ джокъду.
- Халкъны джырын джырласанг, халкъ санга эжиу этер.
- Алтыда кюлмеген, алтмышда кюлмез.
- Ургъан суудан башынгы сакъла.
- Байлыкъ тауусулур, билим тауусулмаз.
- Тёрдеги кюлсе, эшикдеги ышарыр.
- Тил – миллетни джаны.
- Адам сёзюнден белгили.
- Къонагъынгы артмагъын алма да, алгъышын ал.
Профиль
|
|
|
|||