- Мен да «сен», дейме, сен да «кесим», дейсе.
- Джырчы джырчыгъа – къарнаш.
- Къартны бурнун сюрт да, оноугъа тут.
- Къарыусузгъа кюлме, онгсузгъа тийме.
- Асхат ашлыкъ сата, юйдегиси ачдан къата.
- Эрине къаргъыш этген къатын, эрнин къабар.
- Эл тойса, тоймагъан, эл къойса, къоймагъан.
- Насыб бютеу халкъны юлюшюдю.
- Юреннген ауруу къалмаз.
- Бир онгсуз адам адет чыгъарды, деб эштирик тюлсе.
- Къыйынлы джети элге оноу этер.
- Чыбыкълыкъда бюгюлмеген, къазыкълыкъда бюгюлмей эди.
- От кюйдюрген, сау болса да, тот кюйдюрген, сау болмаз.
- Чабакъ башындан чирийди.
- Ёнгкюч къууана барыр, джылай келир.
- Къатыны харакетли болса, эри къымсыз болур.
- Юре билмеген ит, къонакъ келтирир.
- Ишге юренсин къоллары, халкъ бла болсун джоллары.
- Джахил болса анасы, не билликди баласы?
- Хантына кёре тузу, юйюне кёре къызы.
- Таула не мийик болсала да, аууш табылыр.
- Кеси юйюмде мен да ханма.
- Малны кют, джерни тюрт.
- Ач келгенни – тойдур, кеч келгенни – къондур.
- Аллахха ийнаннган кишини, Аллах онгдурур ишин.
- Дуния мал дунияда къалады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тойгъан антын унутур.
- Кесинг сынамагъан затны, адамгъа буюрма.
- Къонагъынгы артмагъын алма да, алгъышын ал.
- Сангырау къулакъ эл бузар.
- Тау башында, тау болмаз, джангыз терек, бау болмаз.
- Джан саулукъ бермей, сан саулукъ бермезсе.
- Тили узунну, намысы – къысха.
- Иесиз малны бёрю ашар.
- Ашха уста, юйюнде болсун
- Билеги кючлю, бирни джыгъар, билими кючлю, мингни джыгъар.
- Аджаллыгъа окъсуз шкок атылыр.
- Ойнаб айтсанг да, эслеб айт.
- Суу да къайтады чыкъгъан джерине.
- Кёз – сюйген джерде, къол – ауругъан джерде.
- Дженгил джетерикме деб, узун джолну къоюб, къысхасын барма.
- Ёмюрлюк шохлукъну джел элтмез.
- Билим ат болуб да чабар, къуш болуб да учар.
- Джаханимни кёрмей, джандетге кёл салмазса.
- Къралынгы – душмандан, башынгы от бла суудан сакъла.
- Сууда джау джокъ, кёб сёзде магъана джокъ.
- Къайтырыкъ эшигинги, къаты уруб чыкъма.
- Чакъырылмагъан къонакъ тёрге атламаз.
- Къарт болгъан джерде, берекет болур, сабий болгъан джерде, оюн болур.
Профиль
|
|
|
|||