- Ана – юйню кюн джарыгъы.
- Сагъыш – къартлыкъгъа сюйюмчю.
- Ач келгенни – тойдур, кеч келгенни – къондур.
- Тулпарлыкъ, билекден тюл – джюрекден.
- Тик ёргени, тик энгишгеси да болады.
- Ёзденликни джайгъан – джокълукъ.
- Юй кюйдю да, кюйюз чыкъды, ортасындан тюйюш чыкъды.
- Ауругъанны сау билмез, ач къарынны токъ билмез.
- «Ма», - дегенни билмесенг, «бер», - дегенни билмезсе.
- Джаш къарыу бла кючлю, къарт акъыл бла кючлю.
- Къартха ушагъан джаш – акъыллы, джашха ушагъан къарт – тели.
- Джигер – джаннга къыйынлыкъ.
- Джиби бир къат джетмей эди да, эки къат тарта эди.
- Баш болса, бёрк табылыр.
- Нарт сёз къарт болмаз.
- Aдам боллукъ, сыфатындан белгили.
- Рысхы джалгъанды: келген да этер, кетген да этер.
- Халкъны юйю – туугъан джери.
- Уллу къашыкъ эрин джыртар.
- Адам туугъан джеринде, ит тойгъан джеринде.
- Аджашхан тёгерек айланыр.
- Джогъун бар этген, барын бал этген.
- Джеринден айырылгъан – джети джылар, джуртундан айырылгъан – ёлгюнчю джылар.
- Къонакъ кёб келюучю юйню, къазаны отдан тюшмез.
- Татлы сёз – балдан татлы.
- Айтхан сёзюне табылгъан.
- Байма, деб да, къууанма, джарлыма, деб да, джылама.
- Акъыл къартда, джашда тюйюлдю – башдады.
- Джылкъыдан – ат чыгъар, тукъумдан – джаш чыгъар.
- Адам къаллай бир ишленмесе, аллай бир кесин уллу кёреди.
- Тенгни тенглиги джашай барсанг билинир.
- Элни кючю – эмеген.
- Тойгъа алгъа да барма, тойда артха да къалма.
- Аман къатын сабий табса, бий болур…
- Бозанг болмагъан джерге, къалагъынгы сукъма.
- Ишин билген, аны сыйын чыгъарады.
- Къарнынг бла ёч алма.
- Атынг аманнга чыкъгъандан эсе, джанынг тамагъынгдан чыкъсын.
- Орну джокъну – сыйы джокъ.
- Булут кёкге джарашыу, уят бетге джарашыу.
- Байны къызы баймакъ болса да, юйде къалмаз!
- Аууз сакълагъан – джан сакълар.
- Эшекге миннген – биринчи айыб, андан джыгъылгъан – экинчи айыб.
- Биреуню эскиси биреуге джангы болмайды.
- Хар ишни да аллы къыйынды.
- Тюзню ётмеги тюзде къалса да, тас болмаз.
- Ана кёлю – балада, бала кёлю – талада.
- Къууут – джелге, берне – бошха.
- Бети – къучакълар, джюреги – бычакълар.
- Магъанасыз сёз – тауушсуз сыбызгъы.
Профиль
|
||||