- Орундукъ тюбюнде атылсам да, орта джиликме, де да айлан.
- Болджал ишни бёрю ашар.
- Ач къарным, тынч къулагъым.
- Адеби болмагъан къыз – тузсуз хант.
- Кёб джат да, бек чаб.
- Насыб бютеу халкъны юлюшюдю.
- Огъурлуну сёзю – суу, огъурсузну сёзю – уу.
- Байма, деб да, къууанма, джарлыма, деб да, джылама.
- Къозулугъунда тоймагъан, къойлугъунда тоймаз.
- Джаралыны джастыгъында сау ёлюр.
- Окъумагъан сокъурду, сокъур ташха абыныр!
- Ауругъаннга – кийик саулукъ, джетген къызгъа – чилле джаулукъ.
- Кёбден умут этиб, аздан къуру къалма.
- Ёмюрлюк шохлукъну джел элтмез.
- Таукел адам тау тешер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Уясында не кёрсе, учханында аны этер.
- Сабыр джетер муратха, сабырсыз къалыр уятха.
- Тура эдим джата, къайдан чыкъды хата?
- Чомартха Тейри да борчлуду.
- Аш хазыр болса, иш харам болур.
- Узун джолну барсанг, бюгюн келирсе, къысха джолну барсанг, тамбла келирсе.
- Джангызны оту джарыкъ джанмаз!
- Телиге акъыл салгъандан эсе, ёлгеннге джан салырса.
- Ата Джуртун танымагъан, атасын да танымаз.
- Къуру гыбыт бек дыгъырдар.
- Тойчу джашха къарама, къойчу джашха къара.
- Чомарт бергенин айтмаз.
- Джашынгы кесинг юретмесенг, джашау юретир.
- Къонакъ кёб келюучю юйню, къазаны отдан тюшмез.
- Хар сёзню орну барды.
- Иги сёз – джаннга азыкъ, аман сёз башха – къазыкъ.
- Тойгъандан сора, ашны сёкме.
- Дуния мал дунияда къалады.
- Ана – юйню кюн джарыгъы.
- Алгъанда – джууукъ, бергенде – джау.
- Илму – джашауну джолу.
- Кёз – сюйген джерде, къол – ауругъан джерде.
- Къыйынлы джети элге оноу этер.
- Азыкъ аз болса, эртде орун сал.
- Байны оноуу, джарлыгъа джарамаз.
- Чарсда алчыны эл кёреди.
- Тёзген – тёш ашар!
- Аман эсирсе, юйюн ояр.
- Тил бла келеди джыр да.
- Босагъа таш юйге кирмей эди, тыбыр таш эшикге чыкъмай эди.
- Хунаны тюбюн къазсанг, юсюнге ауар.
- Кийим тукъум сордурур.
- Джарлы тюеге минсе да, ит къабар.
- Кёб ант этген, кёб ётюрюк айтыр.
Профиль
|
||||