- Тас болгъан бычакъны сабы – алтын.
- Дуния малгъа сатылма, кесингден телиге къатылма.
- Ашхы тенг джолгъа салыр, аман тенг джолдан тайдырыр.
- Къатын къылыкъсыз, эр тынчлыкъсыз.
- Ауузу аманнга «иги», деме.
- Накъырда – кертини келечиси.
- Сютден ауузу кюйген, суугъа юфгюре эди.
- Тойну къарнашы – харс, джырны къарнашы – эжиу.
- Кёл – къызбай, къол – батыр.
- Къуру гыбыт бек дыгъырдар.
- Ашхы атаны – джашы ашхы, ашхы ананы – къызы ашхы.
- Эл элде бирер малынг болгъандан эсе, бирер тенгинг болсун.
- Иши джокъну, сыйы джокъ.
- Чабакъ башындан чирийди.
- Нафысынгы айтханын этме, намысынгы айтханын эт.
- Къайгъы тюбю – тенгиз.
- Айырылгъанланы айю ашар, бёлюннгенлени бёрю ашар.
- Мадар болса, къадар болур.
- Дуния мал дунияда къалады.
- Таукел къуру къалмаз.
- Адеб базарда сатылмаз.
- Арба аугъандан сора, джол кёргюзтюучю кёб болур.
- Къонакъ аман болса, къонакъбай джунчур
- Ана кёлю – балада, бала кёлю – талада.
- Айныгъанлы алты кюн, тогъайгъанлы тогъуз кюн.
- Халкъны джырын джырласанг, халкъ санга эжиу этер.
- Акъыллы башны – тили къысха.
- Тёзгеннге, джабылгъан эшик ачылыр.
- Чалманны аллы къалай башланса, арты да алай барады.
- Байны къызы баймакъ болса да, юйде къалмаз!
- Элиб деген, элге болушур.
- Зарда марда джокъ.
- Ётюрюк хапар аякъ тюбю бла джюрюйдю.
- Ач къалгъандан, кеч къалгъан къолай.
- Дуния аламаты сен эсенг да, игиме деб айтма.
- Къайгъыны сюйген, къайгъы табар.
- Тойгъандан сора, ашны сёкме.
- Аякъларынгы джууургъанынга кёре узат.
- Окъумагъан сокъурду, сокъур ташха абыныр!
- Алма терегинден кери кетмез.
- Этни да ашады, бетни да ашады.
- Чомартны къолун джокълукъ байлар.
- Хар ишни да аллы къыйынды.
- Ойнаб айтсанг да, эслеб айт.
- Джангыз торгъай джырламаз.
- Ишни аллы бла къууанма да, арты бла къууан.
- Ёгюзню мюйюзлери ауурлукъ этмейдиле.
- Ана къолу ачытмаз.
- Джылыгъа джылан илешир.
- Джюз элде джюз ёгюзюм болгъандан эсе, джюз джууугъум болсун.
Профиль
|
|
|||