- Аякъларынгы джууургъанынга кёре узат.
- Ёлюр джаннга, ёкюл джокъ.
- Бир онгсуз адам адет чыгъарды, деб эштирик тюлсе.
- Къатын къылыкъсыз, эр тынчлыкъсыз.
- Баланы адам этген анады.
- Чомарт къолда мал къалмаз.
- Адамны сабийин сюйген джюреги, бычакъча, джитиди.
- Джаным-тиним – окъуу, билим.
- Халкъны юйю – туугъан джери.
- Къонагъы джокъну – шоху джокъ.
- Билим насыб берир, билим джолну керир.
- Билмегенинги, билгеннге сор.
- Кёкдеги болмаса, джердегин кёрмейди.
- Къумурсхала джыйылсала, пилни да джыгъадыла.
- Тойгъанлыкъ къойгъа джарашады.
- Адам туугъан джеринде, ит тойгъан джеринде.
- Айран тёгюлсе, джугъусу къалыр.
- Сабийни джумушха джибер да, ызындан бар.
- Абынмазлыкъ аякъ джокъ, джангылмазлыкъ джаякъ джокъ.
- Итли къонакъ джарашмаз.
- Уллу къазанда бишген эт, чий къалмаз.
- Хазыр ашха – терен къашыкъ.
- Билим – акъылны чырагъы.
- Адеби болмагъан къыз – тузсуз хант.
- Къонакъ хазыр болгъанлыкъгъа, къонакъбай хазыр тюлдю.
- Тёзген – тёш ашар!
- Эл ауузу – элек, анга ийнаннган – халек.
- Игини сыйлагъан адетди.
- Орундукъ тюбюнде атылсам да, орта джиликме, де да айлан.
- Аманны къуугъан, аманлыкъ табар.
- Эркишиге тары кебек танг кёрюнюр.
- Айранны сюйген, ийнек тутар.
- Чомарт джарлы болмаз.
- Эркишини аманы тиширыуну джылатыр.
- Билгенни къолу къарны джандырыр.
- Джарлыны тону джаз битер.
- Сёз къанатсыз учар.
- Азыкълы ат арымаз, къатыны аман джарымаз.
- Тик ёргени, тик энгишгеси да болады.
- Дженгил джетерикме деб, узун джолну къоюб, къысхасын барма.
- Ким бла джюрюсенг, аны кёзю бла кёрюнюрсе.
- Бал – татлы, балдан да бала – татлы.
- Артына баргъанны, къатына барма.
- Ашда уялгъан – мухар, ишде уялгъан – хомух.
- Адамны аты башхача, акъылы да башхады.
- Огъурлуну сёзю – суу, огъурсузну сёзю – уу.
- Тилчи бир сагъатха айлыкъ хата этер.
- Эки итни арасына сюек атма, эки адамны арасында сёз чыгъарма.
- Чомартха хар кюн да байрамды.
- Кёбден умут этиб, аздан къуру къалма.
Профиль
|
rucoriodermin
 Эльбрусоид
Баллов: 0
Регистрация: 02.08.2016
Последний визит: 02.08.2016 20:48:32
|
|
||||||
|
|
|
||||||