- Кюл тюбюндеги от кёрюнмейди.
- Юйюнгден чыкъдынг – кюнюнгден чыкъдынг.
- Чабакъ башындан чирийди.
- Айырылмаз джууугъунга, унутмаз сёзню айтма.
- Ойнай билмеген, уруб къачар.
- Эл элде бирер малынг болгъандан эсе, бирер тенгинг болсун.
- Эки элинги тыйсанг, джети элде махталырса.
- Тулпарлыкъ, билекден тюл – джюрекден.
- Аллахха ийнаннган кишини, Аллах онгдурур ишин.
- Аш иеси бла татлыды.
- Тёзген – тёш ашар!
- Таукелге нюр джауар.
- Киштикге къанат битсе, чыпчыкъ къалмаз эди.
- Айтылгъан сёз ызына къайтмаз.
- Джангыз терек къынгыр ёсер.
- Чабакъгъа акъыл, табагъа тюшсе келеди.
- Къонакъ аман болса, къонакъбай джунчур
- Тойгъандан сора, ашны сёкме.
- Бозаны арты дауур болур.
- Туз, гырджын аша, тюзлюк бла джаша.
- Ариу сёзде ауруу джокъ.
- Ишлегенден, къарагъан уста.
- Алтыда кюлмеген, алтмышда кюлмез.
- Башсыз урчукъ тюзюне айланмаз.
- Урама да – ёледи, сатама да – келеди.
- Къарны аманнга къазан такъдырма, къолу аманнга от джакъдырма.
- Адамны артындан къара сабан сюрме.
- Къуллукъчума, деб махтанма, къуллукъ – хаух джамчыды!
- Ашха уста, юйюнде болсун
- Тойгъан антын унутур.
- Олтуруб кёрюнмей эди да, ёрге туруб кёрюне эди.
- Къонакъ хазыр болгъанлыкъгъа, къонакъбай хазыр тюлдю.
- Гыдай эчки суугъа къараб, мюйюзле кёрмесе, джашма алкъын, дегенди.
- Тёрдеги кюлсе, эшикдеги ышарыр.
- Ач да бол, токъ да бол – намысынга бек бол.
- Баш болса, бёрк табылыр.
- Мал тутхан – май джалар.
- Тили узунну, намысы – къысха.
- Тамбла алтындан бюгюн багъыр ашхы.
- Элиб деген, элге болушур.
- Джарлы джети элни сёзюн этер.
- Ач отунчуну ачыуу – бурнунда.
- Кёзден кетген, кёлден да кетеди.
- Айранны сюйген, ийнек тутар.
- Къоркъакъны кёзю экили кёрюр.
- Махтаннган къыз, тойда джукълар.
- Эртде тургъан бла эртде юйленнген сокъуранмаз.
- Ауузу аманнга «иги», деме.
- Ашатыргъа иш – ашхы, ишлетирге аш – ашхы.
- Джырчы джырчыгъа – къарнаш.
Профиль
|
vidatoxru
 Эльбрусоид
Баллов: 0
Регистрация: 10.07.2016
Последний визит: 10.07.2016 21:06:39
|
|
||||||
|
|
|
||||||