- Ышармагъан – кюлмез, кюлмеген – къууанчны билмез.
- Аман эсирсе, юйюн ояр.
- Адам сёзге тынгыла, акъыл сёзню ангыла.
- Джол бла сёзню къыйыры джокъ.
- Тойчу джашха къарама, къойчу джашха къара.
- Тенги кёбню джау алмаз, акъылы кёбню дау алмаз.
- Къарнынг къанлынга кийирир.
- Сормай – алма, чакъырылмай – барма.
- Къартха ушагъан джаш – акъыллы, джашха ушагъан къарт – тели.
- Джарлы джети элни сёзюн этер.
- Зар адамны насыбы болмаз.
- Билмейме деген – бир сёз
- Окъуусуз билим – джокъ, билимсиз кюнюнг – джокъ.
- Эри аманны, къатыны – аман.
- Чомарт къонакъ юй иесин сыйлар.
- Кёрмегеннге кебек – танг, битмегеннге сакъал – танг.
- Адамны адамлыгъы къыйынлыкъда айгъакъланады.
- Джылыгъа джылан илешир.
- Аз сёлешген, къайгъысыз турур.
- Атлыны кёрсе, джаяуну буту талыр.
- Окъдан джара эртде-кеч болса да бителир, сёз джара, ёмюрге къалыр.
- Сёз – кюмюш, джыр – алтын.
- Булут кёкге джарашыу, уят бетге джарашыу.
- Айтханы чапыракъдан ётмеген.
- Уллу къашыкъ эрин джыртар.
- Ачылгъан эт джабылыр, кёрген кёз унутмаз.
- Телини эшигин, махтау джабар.
- Ата Джуртуму башы болмасам да, босагъасында ташы болайым.
- Ачлыкъда тары гырджын халыуадан татлы.
- Эм ашхы къайын ана мамукъ бла башынгы тешер.
- Ауругъаннга – кийик саулукъ, джетген къызгъа – чилле джаулукъ.
- Гитче джилтин уллу элни джандырыр.
- Чомарт джарлы болмаз.
- Игилик игилик бла сингдирилиучю затды.
- Аш иеси бла татлыды.
- Къонакъ аман болса, къонакъбай джунчур
- Кюлме джашха – келир башха.
- Аджашханны ызындагъы кёреди, джангылгъанны джанындагъы биледи.
- Чомартны къолун джокълукъ байлар.
- Джаш болсун, къыз болсун, акъылы, саны тюз болсун.
- Джерни букъусу кёкге къонмаз.
- Бек ашыкъгъан меннге джетсин, дегенди аракъы.
- Тели турса – той бузар.
- Къонагъынгы артмагъын алма да, алгъышын ал.
- Джигер – джаннга къыйынлыкъ.
- Айраннга суу къош, телиге джол бош.
- Ётюрюкню къуйругъу – бир тутум.
- Юре билмеген ит, къонакъ келтирир.
- Джаш къарыу бла кючлю, къарт акъыл бла кючлю.
- Шайтан алдады, тюзлюк къаргъады.
Профиль
|
|
|
|||