- Сескекли кесин билдирир.
- Керти сёзге тёре джокъ.
- Хар сёзню орну барды.
- Эркишиге тары кебек танг кёрюнюр.
- Биреуню эскиси биреуге джангы болмайды.
- Суу ичген шауданынга тюкюрме.
- Ач бёрюге мекям джокъ.
- Адамны артындан къара сабан сюрме.
- Джангыз торгъай джырламаз.
- Ата – баланы уясы.
- Акъыллы айтыр эди, акъылсыз къоймайды.
- Аманны тукъумуна къарама, игини тукъумун сорма.
- Адамны сыфатына къарама, сёзюне къара.
- Рысхысына кёре, джаш ёсер, къышлыгъына кёре, мал ёсер.
- Бек анасы джыламаз.
- Джылкъыдан – ат чыгъар, тукъумдан – джаш чыгъар.
- Къоркъакъны кёзю экили кёрюр.
- Ёксюзню къалачы уллу кёрюнюр.
- Акъыллы – эл иеси, тели – эл баласы.
- Эрни эр этерик да, къара джер этерик да, тиширыуду.
- Тёгюлген тюгел джыйылмайды.
- Керек ташны ауурлугъу джокъ.
- Хансыз джомакъ болмаз.
- Ачыу алгъа келсе, акъыл артха къалады.
- Башсыз урчукъ тюзюне айланмаз.
- Миллетни бойну – базыкъ, аны бла кюрешген – джазыкъ.
- Иги адам абынса да, джангылмаз.
- Алгъанда – джууукъ, бергенде – джау.
- Кёл ашады да, кеси ашады.
- Къан бла кирген, джан бла чыгъар.
- Чыбыкълыкъда бюгюлмеген, къазыкълыкъда бюгюлмей эди.
- Рысхы – насыбха къор.
- Малны кют, джерни тюрт.
- Урама да – ёледи, сатама да – келеди.
- Тойгъан антын унутур.
- Окъ къызбайны джокълайды.
- Аджалсыз ёлюм болмаз.
- Халкъгъа джарагъан, джарлы къалмаз.
- Ёгюзню мюйюзюнден тутадыла, адамны сёзюнден тутадыла.
- Ашда – бёрю, ишде – ёлю.
- Керилген да, ургъан кибикди.
- Таугъа чыгъаллыкъ эсенг, тюзде къалма.
- Агъач халкъгъа алтынды, иссиликге салкъынды.
- Татлы сёз – балдан татлы.
- Эшекге миннген – биринчи айыб, андан джыгъылгъан – экинчи айыб.
- Джюрекден джюрекге джол барды.
- Тёзген – тёш ашар!
- Джашны джигитлиги сорулур, къызны джигерлиги сорулур.
- Ашын ашагъанынгы, башын да сыйла.
- Башы джабылгъан челекге, кир тюшмез.
Профиль
|
|
|||