Эльбрусоид :: Форум

Тамчы таш тешер.
Эрине къаргъыш этген къатын, эрнин къабар.
Ишленмеклик адамлыкъды.
Айыбны суу бла джууалмазса.
Айтхан сёзюне табылгъан.
Къыйынлы джети элни къайгъысын этер.
Эл элде бирер малынг болгъандан эсе, бирер тенгинг болсун.
Кюн кёрмеген, кюн кёрсе, кюндюз чыракъ джандырыр.
Эски джаугъа ышанма.
Таугъа чыгъаллыкъ эсенг, тюзде къалма.
Туз, гырджын аша, тюзлюк бла джаша.
Акъыллы – эл иеси, тели – эл баласы.
Кенгеш болса, уруш болмаз.
Чёбню кёлтюрсенг, тюбюнден сёз чыгъар.
Телини эшигин, махтау джабар.
Уллу айтханны этмеген – уллаймаз.
Биреуге кёлтюрген таягъынг, кесинги башынга урур.
Чакъырылмагъан джерге барма, чакъырылгъан джерден къалма.
Бёрю да ач къалмасын, эчки да ашалмасын.
Эшекге миннген – биринчи айыб, андан джыгъылгъан – экинчи айыб.
Чабакъгъа акъыл, табагъа тюшсе келеди.
Джаралыны джастыгъында сау ёлюр.
Ишге юренсин къоллары, халкъ бла болсун джоллары.
Джарлы тюеге минсе да, ит къабар.
Къоркъакъны кёзю экили кёрюр.
Къолу уллу – асыу, аягъы уллу – джарсыу.
Ач – эснер, ат – кишнер.
Ашха уста, юйюнде болсун
«Ма», - дегенни билмесенг, «бер», - дегенни билмезсе.
Тилсиз миллет джокъ болур.
Тиширыусуз юй – отсуз от джагъа.
Иесиз малны бёрю ашар.
Этни да ашады, бетни да ашады.
Термилгенинги табмазса, кюлгенинге тюберсе.
Тюзлюк тас болмайды.
Джол бла сёзню къыйыры джокъ.
Татлы сёз – балдан татлы.
Мен да «сен», дейме, сен да «кесим», дейсе.
Ёлмесенг да, къарт дамы болмазса?
Къазанны башы ачыкъ болса, итге уят керекди.
Адамгъа аман кюн соруб келмейди.
Сабийликде юретмесенг, уллу болса – тюзелмез.
Бойнуму джети джерден кессенг да, мен ол ишни этеллик тюлме.
Окъугъан – асыу, окъумагъан – джарсыу.
Джарлыны тону джаз битер.
Айтханы чапыракъдан ётмеген.
Рысхы джалгъанды: келген да этер, кетген да этер.
Джиби бир къат джетмей эди да, эки къат тарта эди.
Уясында не кёрсе, учханында аны этер.
Тенгинг джокъ эсе – изле, бар эсе – сакъла!

Логин:
Пароль:
	Запомнить меня на этом компьютере

Забыли свой пароль?
Регистрация