- Ёзденликни кёбю ётюрюк.
- Берекет берсин деген джерде, берекет болур.
- Кесинг сынамагъан затны, адамгъа буюрма.
- Душманны тышы – акъ, ичи – къара.
- Окъдан джара эртде-кеч болса да бителир, сёз джара, ёмюрге къалыр.
- Джаш болсун, къыз болсун, акъылы, саны тюз болсун.
- Уллу айтханны этмеген – уллаймаз.
- Бир абыннган – минг сюрюнюр.
- Тенги кёбню джау алмаз, акъылы кёбню дау алмаз.
- Хаухну атма, ёнгкючню сатма.
- Баланы адам этген анады.
- Сабий кёргенин унутмаз.
- Чалманны аллы къалай башланса, арты да алай барады.
- Айныгъанлы алты кюн, тогъайгъанлы тогъуз кюн.
- Тёрде – темир таякълы, къаяда – чыпчыкъ аякълы.
- Тойну къарнашы – харс, джырны къарнашы – эжиу.
- Къралынгы – душмандан, башынгы от бла суудан сакъла.
- Башы джабылгъан челекге, кир тюшмез.
- Кесине оноу эте билмеген, халкъына да эте билмез.
- Джиби бир къат джетмей эди да, эки къат тарта эди.
- Эте билген, этген этеди, эте билмеген, юретген этеди!
- Тамбла алтындан бюгюн багъыр ашхы.
- Миллетни бойну – базыкъ, аны бла кюрешген – джазыкъ.
- Чомартха хар кюн да байрамды.
- Билими азны – ауузунда кирит.
- Чакъырылмай келген къонакъ сыйланмай кетер.
- Тил бла келеди джыр да.
- Ариу сёз джыланны орнундан чыгъарыр.
- Шекер бла туз – бир болмаз, ушамагъан – юй болмаз.
- Тойгъан антын унутур.
- Аш хазыр болса, иш харам болур.
- Кёбню кёрген – кёб билир.
- Билим къая тешер.
- Сабийни джумушха джибер да, ызындан бар.
- Адеб базарда сатылмаз.
- Адамны сыфатына къарама, сёзюне къара.
- Мал тутхан – май джалар.
- Джогъун бар этген, барын бал этген.
- Чабакъ башындан чирийди.
- Джюрекге ариу – кёзге да ариу.
- Аз сёлешген, къайгъысыз турур.
- Аман хансны – урлугъу кёб.
- Чабакъгъа акъыл, табагъа тюшсе келеди.
- Накъырданы арты керти болур.
- Ариу сёз – джаннга азыкъ, аман сёз – башха къазыкъ.
- Хар ишни да аллы къыйынды.
- Хазыр ашха – терен къашыкъ.
- Тилсиз миллет джокъ болур.
- Джарлы джети элни сёзюн этер.
- Айтылгъан сёз ызына къайтмаз.
Профиль
|
|
|
|||