- Рысхы – сют юсюнде кёмюк кибикди.
- Къартха ушагъан джаш – акъыллы, джашха ушагъан къарт – тели.
- Ариу джол аджал келтирмез.
- Дуния аламаты сен эсенг да, игиме деб айтма.
- Тас болгъан бычакъны сабы – алтын.
- Джангызны оту джарыкъ джанмаз!
- Эрине къаргъыш этген къатын, эрнин къабар.
- Бети бедерден, намыс сакълама.
- Ишлемеген – тишлемез.
- Азыкъ аз болса, эртде орун сал.
- Эл ауузу – элия.
- Ач бёрюге мекям джокъ.
- Джашлыкъ этмеген, башлыкъ этмез.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кёрмегеннге кебек – танг, битмегеннге сакъал – танг.
- Баргъанынга кёре болур келгенинг.
- Къонакъ хазыр болгъанлыкъгъа, къонакъбай хазыр тюлдю.
- Къонакъ аз олтурур, кёб сынар.
- Уллу суу бла уллу ауруудан башынгы сакъла.
- Билим къая тешер.
- Кесине гебен этелмеген, биреуге черен эте эди.
- Байлыкъ тауусулур, билим тауусулмаз.
- Башынга джетмегенни сорма.
- Адеб джокъда, намыс джокъ.
- Эки элинги тыйсанг, джети элде махталырса.
- Адебни адебсизден юрен.
- Чыбыкълыкъда бюгюлмеген, къазыкълыкъда бюгюлмей эди.
- Ашда уялгъан – мухар, ишде уялгъан – хомух.
- Тешигини къатында, чычхан да батыр болур.
- Окъугъан озар, окъумагъан тозар.
- Тиширыусуз юй – отсуз от джагъа.
- Башланнган иш битер, къымылдагъан тиш тюшер.
- Ач – эснер, ат – кишнер.
- Бюгюн дуния кибик, тамбла ахыратды.
- Билим ат болуб да чабар, къуш болуб да учар.
- Нарт сёз – тилни бети.
- Таякъ этден ётер, тил сюекден ётер.
- Ата Джуртча джер болмаз, туугъан элча эл болмаз.
- Тенгинг джокъ эсе – изле, бар эсе – сакъла!
- Ёпкелегенни ашы татлы болады.
- Адебсиз адам – джюгенсиз ат.
- Къарнынг бла ёч алма.
- Адам къыйынлыгъын кёлтюрюр, зауукълугъун кёлтюрмез.
- Ач, тоймам, дейди, тойгъан, ач болмам, дейди.
- Намыс болмагъан джерде, насыб болмаз.
- Джети тилни билген джети кишиди.
- Джахил болса анасы, не билликди баласы?
- Бир абыннган – минг сюрюнюр.
- Къызны минг тилер, бир алыр.
- Ёзденликни кёбю ётюрюк.
Профиль
|
||||