- Адамны бетине къарама, адетине къара.
- Адам сёзюнден белгили.
- Нафысынгы айтханын этме, намысынгы айтханын эт.
- Къыз тиширыу кеси юйюнде да къонакъды.
- Окъугъан – асыу, окъумагъан – джарсыу.
- Эркиши – от, тиширыу – суу.
- Эри аманны, къатыны – аман.
- Кийим тукъум сордурур.
- Джюрекге ариу – кёзге да ариу.
- Къатын байлыкъны сюер, эр саулукъну сюер.
- Ишни ахырын ойламай, аллын башлама.
- Чабакъсыз кёлге къармакъ салгъанлыкъгъа, чабакъ тутмазса.
- Къарны аманнга къазан такъдырма, къолу аманнга от джакъдырма.
- Аманны эки битли тону болур, бирин сеннге кийдирир, бирин кеси киер.
- Кийиминг бла танылма, адамлыкъ бла таныл.
- Ариу сёз – къылычдан джити.
- Джолда аягъынга сакъ бол, ушакъда тилинге сакъ бол.
- Булут кёкге джарашыу, уят бетге джарашыу.
- Ётюрюкчюню шагъаты – къатында.
- От этилмеген джерден тютюн чыкъмайды.
- Терек ауса, отунчу – кёб.
- Башда акъыл болмаса, эки аякъгъа кюч джетер.
- Садакъачыны джаны – къапчыгъында.
- Тил – кесген бычакъ, сёз – атылгъан окъ.
- Кёзю сокъурдан – къоркъма, кёлю сокъурдан – къоркъ.
- Алтыда кюлмеген, алтмышда кюлмез.
- Сагъышы джокъ – джукъучу, акъылы джокъ – къаугъачы.
- Этек чакъмакълары баш джаргъан, сёлешген сёзлери таш джаргъан.
- Ётюрюкден тюбю джокъ, кёлтюрюрге джиби джокъ.
- Иги сёз – джаннга азыкъ, аман сёз башха – къазыкъ.
- Накъырданы арты керти болур.
- Татлы тилде – сёз ариу, чемер къолда – иш ариу.
- Тюзню ётмеги тюзде къалса да, тас болмаз.
- Сабийликде юретмесенг, уллу болса – тюзелмез.
- Мадар болса, къадар болур.
- Итли къонакъ джарашмаз.
- Зар адамны насыбы болмаз.
- Таула не мийик болсала да, аууш табылыр.
- Акъыл аздырмаз, билим тоздурмаз.
- Къартны бурнун сюрт да, оноугъа тут.
- Душманны тышы – акъ, ичи – къара.
- Тас болгъан бычакъны сабы – алтын.
- Агъач – джерни чырайы, кийим – эрни чырайы.
- Адамгъа аман кюн соруб келмейди.
- Сютню башын джалагъан къутулур, тюбюн ичген тутулур.
- Сууда джау джокъ, кёб сёзде магъана джокъ.
- Айраннга суу къош, телиге джол бош.
- Сакъ юйюне сау барыр.
- Биреуге аманлыкъ этиб, кесинге игилик табмазса.
- Байны къызы баймакъ болса да, юйде къалмаз!
Профиль
|
perpflicir
 Эльбрусоид
Баллов: 0
Регистрация: 04.02.2016
Последний визит: 05.02.2016 01:59:14
|
|
||||||||||
|
|
|
||||||||||