- Мал кёб болса, джууукъ кёб болур.
- Чыбыкълыкъда бюгюлмеген, къазыкълыкъда бюгюлмей эди.
- Къайгъыны сюйген, къайгъы табар.
- Ёлген аслан – сау чычхан.
- Байлыкъ тауусулур, билим тауусулмаз.
- Билим къая тешер.
- Мал ёлсе, сюек къалыр, адам ёлсе, иши къалыр.
- Ач, тоймам, дейди, тойгъан, ач болмам, дейди.
- Къонакъ кёб келюучю юйню, къазаны отдан тюшмез.
- Чомартны къолу берекет.
- Джуртун къоругъан озар.
- Кесинг сынамагъан затны, адамгъа буюрма.
- Тойгъандан сора, ашны сёкме.
- Чабар ат – джетген къыз.
- Биреуню эскиси биреуге джангы болмайды.
- Къыз келсе, джумуш эте келеди, къатын келсе, ушакъ эте келеди.
- Тели турса – той бузар.
- Чыкълы кюнде чыкъмагъан, чыкъса къуру кирмеген.
- Къозулугъунда тоймагъан, къойлугъунда тоймаз.
- Кенгеш болса, уруш болмаз.
- Ауузу аманнга «иги», деме.
- Аман эсирсе, юйюн ояр.
- Гыдай эчки суугъа къараб, мюйюзле кёрмесе, джашма алкъын, дегенди.
- Эки ойлашыб, бир сёлешген.
- Къуру гыбыт бек дыгъырдар.
- Джаз бир кюнню джатсанг, къыш талай кюнню абынырса.
- Таукел къуру къалмаз.
- Билмегенинги, билгеннге сор.
- Аманнга да, игиге да оноусуз къатышма.
- Эр сокъур болсун, къатын тилсиз болсун.
- Ачны эсинде – аш.
- Садакъачыны джаны – къапчыгъында.
- Акъыл бла адеб эгизледиле.
- Адам туугъан джеринде, ит тойгъан джеринде.
- Джогъун бар этген, барын бал этген.
- Насыблы элин сюер, насыбсыз кесин сюер.
- Айранын берсенг, челегин да къызгъанма.
- Айныгъанлы алты кюн, тогъайгъанлы тогъуз кюн.
- Иги болса, тамадама – махтау, аман болса, меннге – айыб.
- Айтханы чапыракъдан ётмеген.
- Тойгъан джерге джети къайт.
- Соргъан айыб тюлдю, билмеген айыбды.
- Тойчу джашха къарама, къойчу джашха къара.
- Уллу айтханны этмеген – уллаймаз.
- Айран ичген – къутулду, джугъусун джалагъан – тутулду.
- Чомарт джарлы болмаз.
- Джюрек кёзден алгъа кёрюр.
- Къонакъ болсанг, ийнакъ бол.
- Ойнай билмеген, оюн бузар.
- Мухарны эси – ашарыкъда.
Профиль
|
|
|
|||