- Адамны артындан къара сабан сюрме.
- Малны кют, джерни тюрт.
- Айраннга суу къош, телиге джол бош.
- Арбаз къынгырды да, ийнек сауалмайма.
- Баш – акъыл ючюн, акъылман – халкъ ючюн.
- Джарлыны эшигин махтагъан джабар.
- Арбаз сайлама да, хоншу сайла.
- Чабакъ башындан чирийди.
- Окъдан джара эртде-кеч болса да бителир, сёз джара, ёмюрге къалыр.
- Къатын байлыкъны сюер, эр саулукъну сюер.
- Киштикге къанат битсе, чыпчыкъ къалмаз эди.
- Къобан да къуру да къобханлай турмайды, адам да къуру да патчахлай турмайды.
- Джылкъыдан – ат чыгъар, тукъумдан – джаш чыгъар.
- Ушамагъан – джукъмаз.
- Къарт бла баш аша, джаш бла аякъ аша.
- Кёл ашады да, кеси ашады.
- Аманнга да, игиге да оноусуз къатышма.
- Дуния малгъа сатылма, кесингден телиге къатылма.
- Тилчи тилден къаныкъмаз.
- Айран ичген – къутулду, джугъусун джалагъан – тутулду.
- Орундукъ тюбюнде атылсам да, орта джиликме, де да айлан.
- Тойгъандан сора, ашны сёкме.
- Сагъышы джокъ – джукъучу, акъылы джокъ – къаугъачы.
- Сакъламагъан затынга джолукъсанг, не бек къууанаса, не бек ачыйса.
- Термилгенинги табмазса, кюлгенинге тюберсе.
- Эшекге миннген – биринчи айыб, андан джыгъылгъан – экинчи айыб.
- Байлыкъ тауусулур, билим тауусулмаз.
- Эки итни арасына сюек атма, эки адамны арасында сёз чыгъарма.
- Къазанчы аман болса, къазаны къайнамаз.
- Тюзлюк шохлукъну бегитир.
- Нарт сёз къарт болмаз.
- Ашын ашагъанынгы, башын да сыйла.
- Таш ата билмеген, башына урур.
- Ариу – кёзге, акъыл – джюрекге.
- Артына баргъанны, къатына барма.
- Кесинг сынамагъан затны, адамгъа буюрма.
- Эм ашхы къайын ана мамукъ бла башынгы тешер.
- Адамгъа аман кюн соруб келмейди.
- Тели турса – той бузар.
- Ач уят къоймаз.
- Джумушакъ сёз къаты таякъны сындырыр.
- Къумурсхала джыйылсала, пилни да джыгъадыла.
- Тёрдеги кюлсе, эшикдеги ышарыр.
- Ауузу аманнга «иги», деме.
- Къуру гыбыт бек дыгъырдар.
- Къатын къылыкъсыз, эр тынчлыкъсыз.
- Ана кёлю – балада, бала кёлю – талада.
- Айтылгъан сёз ызына къайтмаз.
- Къартха ушагъан джаш – акъыллы, джашха ушагъан къарт – тели.
- Ашхы сёз таш тешер.
Профиль
|
|
|||