- Тай асырагъан, атха минер.
- Азыгъы аз, алгъа къабар, аты аман, алгъа чабар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Борчунг бар эсе, хурджунунга ойлаб узал.
- Ёлген ийнек сютлю болур.
- Ашда – бёрю, ишде – ёлю.
- Бет бетге къараса, бет да джерге къарар.
- Тенгинг джокъ эсе – изле, бар эсе – сакъла!
- Айырылмаз джууугъунга, унутмаз сёзню айтма.
- Ашлыкъ – бюртюкден, джюн – тюкден.
- Билимсиз иш бармаз.
- Юре билмеген ит, къонакъ келтирир.
- Арба аугъандан сора, джол кёргюзтюучю кёб болур.
- Намыс сатылыб алынмайды.
- Халкъгъа джарагъан, джарлы къалмаз.
- Кёпюр салгъан кеси ётер, уру къазгъан кеси кетер.
- Тыш элде солтан болгъандан эсе, кесинги элде олтан болгъан игиди!
- Ата джурт – алтын бешик.
- Танг атмайма десе да, кюн къоярыкъ тюйюлдю.
- Тёзгеннге, джабылгъан эшик ачылыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Къонакъ кёб келюучю юйню, къазаны отдан тюшмез.
- Сёз къанатсыз учар.
- Билимли ёлмез, билимсиз кёрмез.
- Хаухну атма, ёнгкючню сатма.
- Уллу суу бла уллу ауруудан башынгы сакъла.
- Къарны аманнга къазан такъдырма, къолу аманнга от джакъдырма.
- Ишлемеген – тишлемез.
- Джылкъыдан – ат чыгъар, тукъумдан – джаш чыгъар.
- Эл ауузу – элек, анга ийнаннган – халек.
- Акъыл бла адеб эгизледиле.
- Азыкълы ат арымаз, къатыны аман джарымаз.
- Ётюрюкню башын керти кесер.
- Юй кюйдю да, кюйюз чыкъды, ортасындан тюйюш чыкъды.
- Эм уллу байлыкъ – джан саулукъ.
- Джаным-тиним – окъуу, билим.
- Кийим тукъум сордурур.
- Кёл – къызбай, къол – батыр.
- Бичгенде ашыкъма, тикгенде ашыкъ.
- Ат да турмайды бир териде.
- Байлыкъ адамны сокъур этер.
- Байлыкъ болгъан джерде, тынчлыкъ джокъду.
- Къыз тиширыу кеси юйюнде да къонакъды.
- Джашны джигитлиги сорулур, къызны джигерлиги сорулур.
- Игиге айтсанг – билир, аманнга айтсанг – кюлюр.
- Ашына кёре табагъы, балына кёре къалагъы.
- Аман къатын сабий табса, бий болур…
- Аджашханны ызындагъы кёреди, джангылгъанны джанындагъы биледи.
- Къартны бурнун сюрт да, оноугъа тут.
- Окъдан джара эртде-кеч болса да бителир, сёз джара, ёмюрге къалыр.
Профиль
|
|
|
|||