- Ичимден чыкъды хата, къайры барайым сата?
- Экиндини кеч къылсанг, чабыб джетер ашхам.
- Байлыкъ келсе, акъыл кетер.
- Ата – билек, ана – джюрек!
- Ишлегенде эринме, ишде чолакъ кёрюнме.
- Чоюнну башы ачыкъ болса, итге уят керекди.
- Ауругъанны сау билмез, ач къарынны токъ билмез.
- Аман адамны тепсинге олтуртсанг, къызынгы тилер.
- Ашхы атаны – джашы ашхы, ашхы ананы – къызы ашхы.
- Ёлюр джаннга, ёкюл джокъ.
- Кёл – къызбай, къол – батыр.
- Акъыл бла адеб эгизледиле.
- Уллу атлама – абынырса, уллу къабма – къарылырса.
- Ауузу аманнга «иги», деме.
- Иги адам абынса да, джангылмаз.
- Адеби болмагъан къыз – тузсуз хант.
- Ариу джол аджал келтирмез.
- Ётюрюк хапар аякъ тюбю бла джюрюйдю.
- Арыгъан къош чамчы болур.
- Эркишини аманы тиширыуну джылатыр.
- Аман эсирсе, юйюн ояр.
- Къонакъ аман болса, къонакъбай джунчур
- Айраннга суу къош, телиге джол бош.
- Тёгюлген тюгел джыйылмайды.
- Кёзю сокъурдан – къоркъма, кёлю сокъурдан – къоркъ.
- Айтылгъан сёз ызына къайтмаз.
- Джолда аягъынга сакъ бол, ушакъда тилинге сакъ бол.
- Аман адам этегингден тутса, кес да къач.
- Сабийни джумушха джибер да, ызындан бар.
- Ёзденликни кёбю ётюрюк.
- Адамны сабийин сюйген джюреги, бычакъча, джитиди.
- Джаралыны джастыгъында сау ёлюр.
- Аурууну келиую тынч, кетиую – къыйын.
- Артына баргъанны, къатына барма.
- Чомартха Тейри да борчлуду.
- Керек ташны ауурлугъу джокъ.
- Уллу сёзде уят джокъ.
- Абынмазлыкъ аякъ джокъ, джангылмазлыкъ джаякъ джокъ.
- Элиб деген, элге болушур.
- Эл тойса, тоймагъан, эл къойса, къоймагъан.
- Джыланны къуйругъундан басарынг келсе, аны башы болгъанын унутма.
- Сабыр джетер муратха, сабырсыз къалыр уятха.
- Ач, тоймам, дейди, тойгъан, ач болмам, дейди.
- Чакъырылмай келген къонакъ сыйланмай кетер.
- Ёксюзню къалачы уллу кёрюнюр.
- Ашлыкъны арба юйге келтирир, чана базаргъа элтир.
- Акъыллы айтыр эди, акъылсыз къоймайды.
- Кесине гебен этелмеген, биреуге черен эте эди.
- Ач уят къоймаз.
- Рысхысына кёре, джаш ёсер, къышлыгъына кёре, мал ёсер.
Профиль
|
|
|||