- Байдан умут эте, джарлыдан ёгюз багъасы къорады.
- Тин – байлыгъынг, терен саулугъунг.
- Кийиминг бла танылма, адамлыкъ бла таныл.
- Сютню башын джалагъан къутулур, тюбюн ичген тутулур.
- Къызгъанчдан ычхыныр, мухардан ычхынмаз.
- Ургъан суудан башынгы сакъла.
- Кёлю джокъну – джолу джокъ.
- Ёлмесенг да, къарт дамы болмазса?
- Тюкюрюк баш джармаз, налат кёз чыгъармаз!
- Джарлы тюеге минсе да, ит къабар.
- Тик ёргени, тик энгишгеси да болады.
- Сескекли кесин билдирир.
- Телиге от эт десенг, юйюнге от салыр.
- Джарлыны тону джаз битер.
- Тойну къарнашы – харс, джырны къарнашы – эжиу.
- Тил – кесген бычакъ, сёз – атылгъан окъ.
- Бёрю да ач къалмасын, эчки да ашалмасын.
- Къолунгдан къуймакъ ашатсанг да, атаны борчундан къутулмазса.
- Ичимден чыкъды хата, къайры барайым сата?
- Ишленмеген джаш – джюгенсиз ат, ишленмеген къыз – тузсуз хант.
- Келгинчи, къонакъ уялыр, келгенден сора, къонакъбай уялыр.
- Ёзденликни джайгъан – джокълукъ.
- Мухарны эси – ашарыкъда.
- Иши джокъну, сыйы джокъ.
- Джукъу тёшек сайламайды.
- Кимни – тили, тиши онглу, кимни – къолу, иши онглу.
- Мухар, кеси тойса да, кёзю тоймаз.
- Ачлыкъ отха секиртир.
- Келлик заман – къартлыкъ келтирир, кетген заман – джашлыкъ ёлтюрюр.
- Кёб джашагъан – кёб билир.
- Джумушакъ терекни къурт ашар.
- Адам къыйынлыгъын кёлтюрюр, зауукълугъун кёлтюрмез.
- Бастасын ашагъан, хантусун да ичер.
- Кёб джат да, бек чаб.
- Байны къызы баймакъ болса да, юйде къалмаз!
- Хансыз джомакъ болмаз.
- Алма терегинден кери кетмез.
- Тилсиз миллет джокъ болур.
- Байма, деб да, къууанма, джарлыма, деб да, джылама.
- Бозанг болмагъан джерге, къалагъынгы сукъма.
- Байлыкъ келсе, акъыл кетер.
- Айыбны суу бла джууалмазса.
- Босагъагъа джууукъ орун болса, ашыгъыб тёрге озма.
- Ашхы адам – халкъ байлыгъы, ашхы джер – джашау байлыгъы.
- Тёрдеги кюлсе, эшикдеги ышарыр.
- Джаш болсун, къыз болсун, акъылы, саны тюз болсун.
- Кёб къычыргъандан – къоркъма, тынч олтургъандан – къоркъ.
- Къазанда болса, чолпугъа чыгъар.
- Ачлыкъда тары гырджын халыуадан татлы.
- Джиби бир къат джетмей эди да, эки къат тарта эди.
Профиль
|
|
|||