- Ёмюрлюк шохлукъну джел элтмез.
- Ашха уста, юйюнде болсун
- Къыйынлы джети элни къайгъысын этер.
- Адеб джокъда, намыс джокъ.
- Ата – баланы уясы.
- Джаз бир кюнню джатсанг, къыш талай кюнню абынырса.
- Къуллукъчума, деб махтанма, къуллукъ – хаух джамчыды!
- Мухар, кеси тойса да, кёзю тоймаз.
- Чомартха Тейри да борчлуду.
- Адебсиз адам – джюгенсиз ат.
- Биреуню эскиси биреуге джангы болмайды.
- Джогъун бар этген, барын бал этген.
- Нарт сёз – тилни бети.
- Адамны аты башхача, акъылы да башхады.
- Чомарт джарлы болмаз.
- Экеулен сёлеше тура эселе, орталарына барыб кирме.
- Чомарт къолда мал къалмаз.
- Ариу сёз – джаннга азыкъ, аман сёз – башха къазыкъ.
- Кёзю сокъурдан – къоркъма, кёлю сокъурдан – къоркъ.
- Джарашыу сюйген – джалынчакъ.
- Терслик кетер, тюзлюк джетер.
- Акъыл къартда, джашда тюйюлдю – башдады.
- Джангызны оту джарыкъ джанмаз!
- Башсыз урчукъ тюзюне айланмаз.
- Атлыны ашхысы, ат тизгининден билинир
- Окъугъан – асыу, окъумагъан – джарсыу.
- Азыгъы аз, алгъа къабар, аты аман, алгъа чабар.
- Аз айтсам, кёб ангылагъыз.
- Айтхан – тынч, этген – къыйын.
- Эринчекни аурууу – кёб.
- Хар адамгъа кеси миннген тау кибик.
- Тилчи тилден къаныкъмаз.
- Зарда марда джокъ.
- Чомарт къонакъ юй иесин сыйлар.
- Акъыллы эркиши атын махтар, акъылсыз эркиши къатынын махтар.
- Ётюрюк хапар аякъ тюбю бла джюрюйдю.
- Бек ашыкъгъан меннге джетсин, дегенди аракъы.
- Чакъырылмагъан къонакъ тёрге атламаз.
- Сабийни джумушха джибер да, ызындан бар.
- Джумушакъ сёз къаты таякъны сындырыр.
- Сабыр джетер муратха, сабырсыз къалыр уятха.
- Эркиши – от, тиширыу – суу.
- Джахил болса анасы, не билликди баласы?
- Эри аманны, къатыны – аман.
- Зар адамны насыбы болмаз.
- Ариуну – ауруу кёб.
- Билимден уллу байлыкъ джокъду.
- Иги – алгъыш этер, аман – къаргъыш этер.
- Берекет берсин деген джерде, берекет болур.
- Тёзген – тёш ашар!
Профиль
|
|
|
|||