- Чыбыкълыкъда бюгюлмеген, къазыкълыкъда бюгюлмей эди.
- Эте билген, этген этеди, эте билмеген, юретген этеди!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тойгъан джерден туугъан джер игиди.
- Эки элинги тыйсанг, джети элде махталырса.
- Бети къызарыучу адамны, джюреги харам болмаз.
- Рысхы – сют юсюнде кёмюк кибикди.
- Акъдан къара болмаз.
- Ачлыкъ отха секиртир.
- Алгъанда – джууукъ, бергенде – джау.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джылкъыдан – ат чыгъар, тукъумдан – джаш чыгъар.
- Тенгни тенглиги джашай барсанг билинир.
- Сагъышы джокъ – джукъучу, акъылы джокъ – къаугъачы.
- Джаз бир кюнню джатсанг, къыш талай кюнню абынырса.
- Таугъа чыгъаллыкъ эсенг, тюзде къалма.
- Эки итни арасына сюек атма, эки адамны арасында сёз чыгъарма.
- Олтуруб кёрюнмей эди да, ёрге туруб кёрюне эди.
- Гыдай эчки суугъа къараб, мюйюзле кёрмесе, джашма алкъын, дегенди.
- Сабийликде юретмесенг, уллу болса – тюзелмез.
- Чомарт джарлы болмаз.
- Ата джурт – алтын бешик.
- Аманны тукъумуна къарама, игини тукъумун сорма.
- Аман къатын сабий табса, бий болур…
- Элиб деген, элге болушур.
- Ёгюзню мюйюзлери ауурлукъ этмейдиле.
- Тыш элде солтан болгъандан эсе, кесинги элде олтан болгъан игиди!
- Байдан умут эте, джарлыдан ёгюз багъасы къорады.
- Ичимден чыкъды хата, къайры барайым сата?
- Ашарыкъда сайлагъаннга – чий гырджын.
- Ашаса, ашамаса да, бёрюню ауузу – къан.
- Дуния мал дунияда къалады.
- Гитче джилтин уллу элни джандырыр.
- Нарт сёз – тилни бети.
- Сескекли кесин билдирир.
- Халкъны юйю – туугъан джери.
- Къайгъы тюбю – тенгиз.
- Къралынгы – душмандан, башынгы от бла суудан сакъла.
- Ашхы болсанг, атынг чыгъар, аман болсанг, джанынг чыгъар.
- Иги сеники эсе да, сюйген кесимикин этеме.
- Джарлыны эшигин махтагъан джабар.
- Ашхы сёз таш тешер.
- Бети – къучакълар, джюреги – бычакълар.
- Хар зат кесини орнуна иги.
- Джюз элде джюз ёгюзюм болгъандан эсе, джюз джууугъум болсун.
- Ётген ёмюр – акъгъан суу.
- Акъыл къартда, джашда тюйюлдю – башдады.
- Джаралыны джастыгъында сау ёлюр.
- Байлыкъ тауусулур, билим тауусулмаз.
- Эринчекни эр алмаз, эр алса да, кёл салмаз, кёл салса да, кёб бармаз!
Профиль
|
Лев
 Эльбрусоид
Баллов: 0
Регистрация: 06.10.2015
Последний визит: 07.10.2015 00:50:33
|
|
||||||
|
|
|
||||||