- Чомарт джарлы болмаз.
- Кийиминг бла танылма, адамлыкъ бла таныл.
- Къонакъ хазыр болгъанлыкъгъа, къонакъбай хазыр тюлдю.
- Зар адам ашынгы ашар, кесинги сатар.
- Урунуу – насыбны анасы.
- Татлы сёз – балдан татлы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эри аманны, къатыны – аман.
- Билим къая тешер.
- «Ёгюз, джаргъа джууукъ барма, меннге джюк боллукъса», - дегенди эшек.
- Уллу суу бла уллу ауруудан башынгы сакъла.
- Адам сёзюнден белгили.
- Кёпюр салгъан кеси ётер, уру къазгъан кеси кетер.
- Аджашханны ызындагъы кёреди, джангылгъанны джанындагъы биледи.
- Ёзденликни кёбю ётюрюк.
- Акъыллы эркиши атын махтар, акъылсыз эркиши къатынын махтар.
- Айтхан – тынч, этген – къыйын.
- Оюмсуз атлагъан, аджалсыз ёлюр.
- Адамны адамлыгъы къыйынлыкъда айгъакъланады.
- Бет бетге къараса, бет да джерге къарар.
- Дуния малгъа сатылма, кесингден телиге къатылма.
- Суугъа – чабакъ, къаягъа – ыргъакъ.
- Дуния мал дунияда къалады.
- Къайгъы тюбю – тенгиз.
- Окъугъан – асыу, окъумагъан – джарсыу.
- Ата Джуртуму башы болмасам да, босагъасында ташы болайым.
- Ёпкелегенни ашы татлы болады.
- Сакъ юйюне сау барыр.
- Билген билмегенни юретген адетди.
- Къарт болгъан джерде, берекет болур, сабий болгъан джерде, оюн болур.
- Сакъламагъан затынга джолукъсанг, не бек къууанаса, не бек ачыйса.
- Бети къызарыучу адамны, джюреги харам болмаз.
- Къызын тута билмеген, тул этер, джашын тута билмеген, къул этер.
- Акъыллы башны – тили къысха.
- Кёб ант этген, кёб ётюрюк айтыр.
- Нафысынгы айтханын этме, намысынгы айтханын эт.
- От кюйдюрген, сау болса да, тот кюйдюрген, сау болмаз.
- Мен да «сен», дейме, сен да «кесим», дейсе.
- Джерни букъусу кёкге къонмаз.
- Хар ишни да аллы къыйынды.
- Адамны аты башхача, акъылы да башхады.
- Эки къатын алгъанны къулагъы тынгнгаймаз.
- Азыкъ аз болса, эртде орун сал.
- Тилсиз миллет джокъ болур.
- Ата Джуртун танымагъан, атасын да танымаз.
- Таукел тауну аудурур.
- Башынга джетмегенни сорма.
- Адамны сыфатына къарама, сёзюне къара.
- Ариу сёз джыланны орнундан чыгъарыр.
- Дууулдаса – бал чибин, къонса – къара чибин.
Профиль
|
|
|||