- Къазанда болса, чолпугъа чыгъар.
- Ойнай билмеген, оюн бузар.
- Ишлерге уял да, ашаргъа табма.
- Тамбла алтындан бюгюн багъыр ашхы.
- Тиширыусуз юй – отсуз от джагъа.
- Бёрю да ач къалмасын, эчки да ашалмасын.
- Ач, тоймам, дейди, тойгъан, ач болмам, дейди.
- Билимден уллу байлыкъ джокъду.
- Кёз – сюйген джерде, къол – ауругъан джерде.
- Сабийликде юретмесенг, уллу болса – тюзелмез.
- Ата – билек, ана – джюрек!
- Джаз бир кюнню джатсанг, къыш талай кюнню абынырса.
- Хансыз джомакъ болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Тамчы таш тешер.
- Акъыл неден да кючлюдю.
- Болджал ишни бёрю ашар.
- Аджашхан тёгерек айланыр.
- Уллу атлама – абынырса, уллу къабма – къарылырса.
- Къыйынлы джети элни къайгъысын этер.
- Башланнган иш битер, къымылдагъан тиш тюшер.
- Акъдан къара болмаз.
- Насыб бютеу халкъны юлюшюдю.
- Билим къая тешер.
- Иги сёз – джаннга азыкъ, аман сёз башха – къазыкъ.
- Айтылгъан буйрукъ, сёгюлмез
- Аманнга да, игиге да оноусуз къатышма.
- Рысхы – сют юсюнде кёмюк кибикди.
- Таякъ этден ётер, тил сюекден ётер.
- Тюзлюк тас болмайды.
- Мадар болса, къадар болур.
- Иши джокъну, сыйы джокъ.
- Чакъырылмагъан къонакъ тёрге атламаз.
- Аман къатын сабий табса, бий болур…
- Билмегенинги, билгеннге сор.
- Адамны аты башхача, акъылы да башхады.
- Мен да «сен», дейме, сен да «кесим», дейсе.
- Тил бла келеди джыр да.
- Урама да – ёледи, сатама да – келеди.
- Нафысынгы айтханын этме, намысынгы айтханын эт.
- Джигер – джаннга къыйынлыкъ.
- Кюн – узун, ёмюр – къысха.
- Окъумагъан сокъурду, сокъур ташха абыныр!
- Алтыннга тот къонмаз.
- Эл элде бирер малынг болгъандан эсе, бирер тенгинг болсун.
- Адам туугъан джеринде, ит тойгъан джеринде.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашха уста, юйюнде болсун
- Ашхы болсанг, атынг чыгъар, аман болсанг, джанынг чыгъар.
- Тау башында, тау болмаз, джангыз терек, бау болмаз.
Профиль
|
|
|
|||