- Кёзюнде тереги болгъан, чёбю болгъаннга кюле эди.
- Тилчиден кери бол.
- Акъыл къартда, джашда тюйюлдю – башдады.
- Иги сёз – джаннга азыкъ, аман сёз башха – къазыкъ.
- Ашхы болсанг, атынг чыгъар, аман болсанг, джанынг чыгъар.
- Мен да «сен», дейме, сен да «кесим», дейсе.
- Ашхы адам – халкъ байлыгъы, ашхы джер – джашау байлыгъы.
- Ачлыкъ отха секиртир.
- Байны оноуу, джарлыгъа джарамаз.
- Кёб джат да, бек чаб.
- Атлыны ашхысы, ат тизгининден билинир
- Джарлы тюеге минсе да, ит къабар.
- Башланнган иш битер, къымылдагъан тиш тюшер.
- Къайгъы тюбю – тенгиз.
- Уллу суу бла уллу ауруудан башынгы сакъла.
- Адам сёзюнден белгили.
- Сёз къанатсыз учар.
- Ётюрюк хапар аякъ тюбю бла джюрюйдю.
- Тамчы таш тешер.
- Гырджын – тепсини тамадасы.
- Кёзню ачылгъаны – иги, ауузну джабылгъаны – иги.
- Бир онгсуз адам адет чыгъарды, деб эштирик тюлсе.
- Джаханимни кёрмей, джандетге кёл салмазса.
- Джиби бир къат джетмей эди да, эки къат тарта эди.
- Хантына кёре тузу, юйюне кёре къызы.
- Тешик этген тынчды, аны джамагъан къыйынды.
- Эки къатын алгъан – эки ташны ортасына башын салгъан.
- Намысы болмагъанны, сыйы болмаз.
- Башы ишлегенни, ауузу да ишлер.
- Адамны адамлыгъы къыйынлыкъда айгъакъланады.
- Баш болса, бёрк табылыр.
- Айтхан сёзюне табылгъан.
- Къарын къуру болса, джюрек уру болур.
- Джыгъылгъанны сырты джерден тоймаз.
- Ауузу аманнга «иги», деме.
- Къазанчы аман болса, къазаны къайнамаз.
- Къолу уллу – асыу, аягъы уллу – джарсыу.
- Кесине оноу эте билмеген, халкъына да эте билмез.
- Ана кёлю – балада, бала кёлю – талада.
- Чалманны аллы къалай башланса, арты да алай барады.
- Тёгюлген тюгел джыйылмайды.
- Иги джашны ышаны – аз сёлешиб, кёб тынгылар.
- Къолунгдан къуймакъ ашатсанг да, атаны борчундан къутулмазса.
- Алгъанда – джууукъ, бергенде – джау.
- Адам къаллай бир ишленмесе, аллай бир кесин уллу кёреди.
- Джаным-тиним – окъуу, билим.
- Тюзню ётмеги тюзде къалса да, тас болмаз.
- Айран ичген – къутулду, джугъусун джалагъан – тутулду.
- «Ма», - дегенни билмесенг, «бер», - дегенни билмезсе.
- Билимден уллу байлыкъ джокъду.
Профиль
|
|
|||