- Билгенни къолу къарны джандырыр.
- Билген билмегенни юретген адетди.
- Кёзден кетген, кёлден да кетеди.
- Къралынгы – душмандан, башынгы от бла суудан сакъла.
- Бетинги сатма, малынгы сат.
- Таш бла ургъанны, аш бла ур.
- Ат да турмайды бир териде.
- Бети къызарыучу адамны, джюреги харам болмаз.
- Баш болса, бёрк табылыр.
- Адам сёзюнден белгили.
- Джети тилни билген джети кишиди.
- Тилде сюек болмаса да, сюек сындырыр.
- Чакъырылмагъан джерге барма, чакъырылгъан джерден къалма.
- Билмезни кёзю кёрмез, этмезни къулагъы эшитмез.
- Игилик игилик бла сингдирилиучю затды.
- Джетген къыз джерли эшекни танымаз.
- Сабий кёргенин унутмаз.
- Байлыкъ тауусулур, билим тауусулмаз.
- Иги адамны бир сёзю эки болмаз.
- Бек анасы джыламаз.
- Уллу атлама – абынырса, уллу къабма – къарылырса.
- Элни кючю – эмеген.
- Дженгил джетерикме деб, узун джолну къоюб, къысхасын барма.
- Байлыкъ адамны сокъур этер.
- Накъырда – кертини келечиси.
- Ачлыкъда тары гырджын халыуадан татлы.
- Огъурлуну сёзю – суу, огъурсузну сёзю – уу.
- Узун джолну барсанг, бюгюн келирсе, къысха джолну барсанг, тамбла келирсе.
- Тилчи бир сагъатха айлыкъ хата этер.
- Къайгъы тюбю – тенгиз.
- Сибиртки да сыйлы болду, кюрек да кюнлю болду.
- Арпа, будай – ащды, алтын, кюмюш а – ташды.
- Этим кетсе да, сюегим къалыр.
- Акъыл неден да кючлюдю.
- Гугурук къычырмаса да, тангны атары къалмаз.
- Тамчы таш тешер.
- Къызгъанчдан ычхыныр, мухардан ычхынмаз.
- Чомартны къолу берекет.
- Адам боллукъ, атламындан белгили болур.
- Айтханы чапыракъдан ётмеген.
- Джырчы ёлсе, джыры къалыр.
- Чомарт къонакъ юй иесин сыйлар.
- Джаным-тиним – окъуу, билим.
- Сескекли кесин билдирир.
- Эки итни арасына сюек атма, эки адамны арасында сёз чыгъарма.
- Тулпарлыкъ, билекден тюл – джюрекден.
- Орундукъ тюбюнде атылсам да, орта джиликме, де да айлан.
- Мен да «сен», дейме, сен да «кесим», дейсе.
- Джауумдан сора, кюн кюйдюрюр, ётюрюкден сора, айыб кюйдюрюр.
- Алгъанда – джууукъ, бергенде – джау.
Профиль
|
|
|||