- Аш кетер да бет къалыр.
- Къонакъ хазыр болгъанлыкъгъа, къонакъбай хазыр тюлдю.
- Эм ашхы къайын ана мамукъ бла башынгы тешер.
- Адамгъа аман кюн соруб келмейди.
- Джырчы джырчыгъа – къарнаш.
- Сёз къанатсыз учар.
- Айыбны суу бла джууалмазса.
- Ауругъаннга – кийик саулукъ, джетген къызгъа – чилле джаулукъ.
- Баш болса, бёрк табылыр.
- Эки къатын алгъан – эки ташны ортасына башын салгъан.
- Джылыгъа джылан илешир.
- Тели турса – той бузар.
- Къарнынг ауруса, ауузунгу тый
- Джогъун бар этген, барын бал этген.
- Кюл тюбюндеги от кёрюнмейди.
- Термилгенинги табмазса, кюлгенинге тюберсе.
- Биреуге аманлыкъны тилеме да, кесинге ашхылыкъны тиле.
- Чоюнну башы ачыкъ болса, итге уят керекди.
- Сормай – алма, чакъырылмай – барма.
- Ётген ёмюр – акъгъан суу.
- Акъыл сабырлыкъ берир.
- Къатын къылыкъсыз, эр тынчлыкъсыз.
- Кесине гебен этелмеген, биреуге черен эте эди.
- Бек анасы джыламаз.
- Намысы болмагъанны, сыйы болмаз.
- Тюзлюк тас болмайды.
- Билим ат болуб да чабар, къуш болуб да учар.
- Тойгъан антын унутур.
- Иги – алгъыш этер, аман – къаргъыш этер.
- Уллу атлама – абынырса, уллу къабма – къарылырса.
- Тенгни тенглиги джашай барсанг билинир.
- Кёкдеги болмаса, джердегин кёрмейди.
- Тыш элде солтан болгъандан эсе, кесинги элде олтан болгъан игиди!
- Байны къызы баймакъ болса да, юйде къалмаз!
- Сабийни джумушха джибер да, ызындан бар.
- Хансыз джомакъ болмаз.
- Ачыкъ джюрекге джол – ачыкъ.
- Таукел къуру къалмаз.
- Джаш болсун, къыз болсун, акъылы, саны тюз болсун.
- Рысхы джалгъанды: келген да этер, кетген да этер.
- Борчунг бар эсе, хурджунунга ойлаб узал.
- Башы ишлегенни, ауузу да ишлер.
- Тешик этген тынчды, аны джамагъан къыйынды.
- Элге къуллукъ этмеген, элге ие болмаз.
- Ёлюр джаннга, ёкюл джокъ.
- Акъыллы эркиши атын махтар, акъылсыз эркиши къатынын махтар.
- Аз сёлешген, къайгъысыз турур.
- Аллахха ийнаннган кишини, Аллах онгдурур ишин.
- Джети тилни билген джети кишиди.
- Уясында не кёрсе, учханында аны этер.
Профиль
|
|
|
|||