- Арба аугъандан сора, джол кёргюзтюучю кёб болур.
- Ана кёлю – балада, бала кёлю – талада.
- Мураты болгъанны джюрек тебюую башхады.
- Садакъачыны джаны – къапчыгъында.
- Ишге юренсин къоллары, халкъ бла болсун джоллары.
- Ойнай-ойнай кёз чыгъар.
- Байны оноуу, джарлыгъа джарамаз.
- Аш иеси бла татлыды.
- Нарт сёз къарт болмаз.
- Нёгерсизни джолу узун.
- Олтуруб кёрюнмей эди да, ёрге туруб кёрюне эди.
- Суугъа – таянма, джаугъа – ийнанма.
- Биреуге аманлыкъны тилеме да, кесинге ашхылыкъны тиле.
- Уллу айтханны этмеген – уллаймаз.
- Окъумагъан сокъурду, сокъур ташха абыныр!
- Къошда джокъгъа – юлюш джокъ.
- Ач келгенни – тойдур, кеч келгенни – къондур.
- Эр сокъур болсун, къатын тилсиз болсун.
- Чакъырылмагъан къонакъ – орунсуз.
- Арыгъан къош чамчы болур.
- Эрине къаргъыш этген къатын, эрнин къабар.
- Айран тёгюлсе, джугъусу къалыр.
- Сибиртки да сыйлы болду, кюрек да кюнлю болду.
- Тойчу джашха къарама, къойчу джашха къара.
- Эм ашхы къайын ана мамукъ бла башынгы тешер.
- Гырджын – тепсини тамадасы.
- Уруну арты – къуру.
- Ишленмеген джаш – джюгенсиз ат, ишленмеген къыз – тузсуз хант.
- Этек чакъмакълары баш джаргъан, сёлешген сёзлери таш джаргъан.
- Ата – баланы уясы.
- Мухар, кеси тойса да, кёзю тоймаз.
- Нафысынгы айтханын этме, намысынгы айтханын эт.
- Хазыр ашха – терен къашыкъ.
- Ёгюзню мюйюзюнден тутадыла, адамны сёзюнден тутадыла.
- Эски джаугъа ышанма.
- Илму – джашауну джолу.
- Ариу – кёзге, акъыл – джюрекге.
- Джетген къыз джерли эшекни танымаз.
- Тёрде – темир таякълы, къаяда – чыпчыкъ аякълы.
- Агъач – джерни чырайы, кийим – эрни чырайы.
- Къыз келсе, джумуш эте келеди, къатын келсе, ушакъ эте келеди.
- Къозулугъунда тоймагъан, къойлугъунда тоймаз.
- Ана къойну – балагъа джандет.
- Таукелге нюр джауар.
- Ашарыкъда сайлагъаннга – чий гырджын.
- Мал тутхан – май джалар.
- Элде адам къалмаса, ит тахтагъа минер.
- Джуртун къоругъан озар.
- Дуния малгъа сатылма, кесингден телиге къатылма.
- Дуния мал дунияда къалады.
Профиль
|
|
|||