- Элге къуллукъ этмеген, элге ие болмаз.
- Ачлыкъ отха секиртир.
- Тили узунну, намысы – къысха.
- Къызгъанчдан ычхыныр, мухардан ычхынмаз.
- Аманнга игилик этсенг, юйюнге сау бармазса.
- Ёпкелегенни ашы татлы болады.
- Тамырсыз терекге таянма – джыгъылырса.
- Кюлме джашха – келир башха.
- Ётюрюкню къуйругъу – бир тутум.
- Къонакъ аз олтурур, кёб сынар.
- Джыгъылгъанны сырты джерден тоймаз.
- Ишни ахырын ойламай, аллын башлама.
- Арбаз къынгырды да, ийнек сауалмайма.
- Нафысынгы айтханын этме, намысынгы айтханын эт.
- Кесине гебен этелмеген, биреуге черен эте эди.
- Акъыл бла адеб эгизледиле.
- Экеу тутушса, биреу джыгъылыр.
- Акъыл сабырлыкъ берир.
- Алтыннга тот къонмаз.
- Зар адам ашынгы ашар, кесинги сатар.
- Ишге юренсин къоллары, халкъ бла болсун джоллары.
- Этни да ашады, бетни да ашады.
- Чомартха Тейри да борчлуду.
- Айырылмаз джууугъунга, унутмаз сёзню айтма.
- Битмегеннге сакъал – танг.
- Къызын тута билмеген, тул этер, джашын тута билмеген, къул этер.
- Джети тилни билген джети кишиди.
- Ишлегенден, къарагъан уста.
- Айраннга суу къош, телиге джол бош.
- Гугук кесини атын айтыб къычыргъанча, мен, мен деб нек тураса?
- Экиндини кеч къылсанг, чабыб джетер ашхам.
- Къарнынг тойгъунчу аша да, белинг талгъынчы ишле.
- Ёксюзню тилеги къабыл болур.
- Тюзню ётмеги тюзде къалса да, тас болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Шекер бла туз – бир болмаз, ушамагъан – юй болмаз.
- Къар – келтирди, суу – элтди.
- Эрни эр этерик да, къара джер этерик да, тиширыуду.
- Билмезни кёзю кёрмез, этмезни къулагъы эшитмез.
- Окъугъанны бети джарыкъ.
- Арпа, будай – ащды, алтын, кюмюш а – ташды.
- Эл тойса, тоймагъан, эл къойса, къоймагъан.
- Джырына кёре эжиую.
- Агъач – джерни чырайы, кийим – эрни чырайы.
- «Ёгюз, джаргъа джууукъ барма, меннге джюк боллукъса», - дегенди эшек.
- Ана кёлю – балада, бала кёлю – талада.
- Ач, тоймам, дейди, тойгъан, ач болмам, дейди.
- Иги адам абынса да, джангылмаз.
- Борчунг бар эсе, хурджунунга ойлаб узал.
- Къолунгдан къуймакъ ашатсанг да, атаны борчундан къутулмазса.
Профиль
|
pophighmeerri
 Эльбрусоид
Баллов: 0
Регистрация: 25.05.2015
Последний визит: 26.05.2015 02:47:42
|
|
||||||||||
|
|
|
||||||||||