- Таукел адам тау тешер.
- Ётюрюкден тюбю джокъ, кёлтюрюрге джиби джокъ.
- Аман адамны тепсинге олтуртсанг, къызынгы тилер.
- Ашатыргъа иш – ашхы, ишлетирге аш – ашхы.
- Ариу сёз – къылычдан джити.
- Кёб къычыргъандан – къоркъма, тынч олтургъандан – къоркъ.
- Онгсузну – джакъла, тенгликни – сакъла.
- Тюзлюк шохлукъну бегитир.
- Атлыны кёрсе, джаяуну буту талыр.
- Джолда аягъынга сакъ бол, ушакъда тилинге сакъ бол.
- Джетген къыз джерли эшекни танымаз.
- Билимсиз иш бармаз.
- Джуртун къоругъан озар.
- Туз, гырджын аша, тюзлюк бла джаша.
- Джюз элде джюз ёгюзюм болгъандан эсе, джюз джууугъум болсун.
- Ач, тоймам, дейди, тойгъан, ач болмам, дейди.
- Минг тенг да азды, бир джау да кёбдю.
- Аманнга алтын чыдамаз.
- Экиндини кеч къылсанг, чабыб джетер ашхам.
- Къартха ушагъан джаш – акъыллы, джашха ушагъан къарт – тели.
- Адеб джокъда, намыс джокъ.
- Адамны сыфатына къарама, сёзюне къара.
- Тил джюрекге джол ишлейди.
- Эски джаугъа ышанма.
- Кёб ант этген, кёб ётюрюк айтыр.
- Айранны сюйген, ийнек тутар.
- Ата Джуртуму башы болмасам да, босагъасында ташы болайым.
- Кимни – тили, тиши онглу, кимни – къолу, иши онглу.
- Чёбню кёлтюрсенг, тюбюнден сёз чыгъар.
- Эм ашхы къайын ана мамукъ бла башынгы тешер.
- Билим насыб берир, билим джолну керир.
- Хата – гитчеден.
- Бозанг болмагъан джерге, къалагъынгы сукъма.
- Келинин тута билмеген, къул этер, къызын тута билмеген, тул этер.
- Сютден ауузу кюйген, суугъа юфгюре эди.
- Мен да «сен», дейме, сен да «кесим», дейсе.
- Аш хазыр болса, иш харам болур.
- Сёлеш деб шай берген, тохта деб, сом берген.
- Джерни букъусу кёкге къонмаз.
- Эрни эр этерик да, къара джер этерик да, тиширыуду.
- Окъугъан озар, окъумагъан тозар.
- Къобан да къуру да къобханлай турмайды, адам да къуру да патчахлай турмайды.
- Тели турса – той бузар.
- Элде адам къалмаса, ит тахтагъа минер.
- Тойгъандан сора, ашны сёкме.
- Айырылмаз джууугъунга, унутмаз сёзню айтма.
- Гитче джилтин уллу элни джандырыр.
- Бир онгсуз адам адет чыгъарды, деб эштирик тюлсе.
- Сабий болмагъан джерде, мёлек болмаз.
- Акъыл сабырлыкъ берир.
Профиль
|
|
|||