- Джырчы ёлсе, джыры къалыр.
- Минг тенг да азды, бир джау да кёбдю.
- Кёлсюзден сёзсюз тууар.
- Иги сёз – джаннга азыкъ, аман сёз башха – къазыкъ.
- Эки къатын алгъанны къулагъы тынгнгаймаз.
- Таякъ этден ётер, тил сюекден ётер.
- Нарт сёз къарт болмаз.
- Ётюрюк хапар аякъ тюбю бла джюрюйдю.
- Джаш къарыу бла кючлю, къарт акъыл бла кючлю.
- Тулпарлыкъ, билекден тюл – джюрекден.
- Огъурлуну сёзю – суу, огъурсузну сёзю – уу.
- Элни кючю – эмеген.
- Термилгенинги табмазса, кюлгенинге тюберсе.
- Эри аманны, къатыны – аман.
- Ханы къызы буюгъа-буюгъа киштик болду.
- Юйюнг бла джау болгъандан эсе, элинг бла джау бол.
- Тилде сюек болмаса да, сюек сындырыр.
- Башы ишлегенни, ауузу да ишлер.
- Сабийликде юретмесенг, уллу болса – тюзелмез.
- Накъырда – кертини келечиси.
- Къазанчы аман болса, къазаны къайнамаз.
- Халкъгъа джарагъан, джарлы къалмаз.
- Кёз – сюйген джерде, къол – ауругъан джерде.
- Аман къатын сабий табса, бий болур…
- Адебсиз адам – джюгенсиз ат.
- Шайтан алдады, тюзлюк къаргъады.
- Ач отунчуну ачыуу – бурнунда.
- Джаным-тиним – окъуу, билим.
- Бал ашаргъа сюе эсенг, чибин ургъаннга тёз.
- Аджалсыз ёлюм болмаз.
- Атынг аманнга чыкъгъандан эсе, джанынг тамагъынгдан чыкъсын.
- Эртде тургъан бла эртде юйленнген сокъуранмаз.
- Зарда марда джокъ.
- Ашха уста, юйюнде болсун
- Кёб джат да, бек чаб.
- Ауузу бла къуш тута айланады.
- Адамны адамлыгъы къыйынлыкъда айгъакъланады.
- Ишлегенде эринме, ишде чолакъ кёрюнме.
- Къарт болгъан джерде, берекет болур, сабий болгъан джерде, оюн болур.
- Мадар болса, къадар болур.
- Эр абынмай, эл танымаз.
- Аз айтсам, кёб ангылагъыз.
- Айтылгъан буйрукъ, сёгюлмез
- Байлыкъ адамны сокъур этер.
- Тюкюрюк баш джармаз, налат кёз чыгъармаз!
- Байлыкъдан саулукъ ашхыды.
- Гугук кесини атын айтыб къычыргъанча, мен, мен деб нек тураса?
- Эринчекни эр алмаз, эр алса да, кёл салмаз, кёл салса да, кёб бармаз!
- Агъач халкъгъа алтынды, иссиликге салкъынды.
- Зар адам ашынгы ашар, кесинги сатар.
Профиль
|
|
|||