- Хар зат кесини орнуна иги.
- Адеб этмеген, адеб кёрмез.
- Тура эдим джата, къайдан чыкъды хата?
- Байлыкъ адамны сокъур этер.
- Арбаз къынгырды да, ийнек сауалмайма.
- Эр абынмай, эл танымаз.
- Эшекге миннген – биринчи айыб, андан джыгъылгъан – экинчи айыб.
- Джарлы эскисин джамаса, къууаныр.
- Джылкъыдан – ат чыгъар, тукъумдан – джаш чыгъар.
- Арбаз сайлама да, хоншу сайла.
- Билген билмегенни юретген адетди.
- Адамны сыфатына къарама, сёзюне къара.
- Билим ат болуб да чабар, къуш болуб да учар.
- Бек ашыкъгъан меннге джетсин, дегенди аракъы.
- Бёрю да ач къалмасын, эчки да ашалмасын.
- Уллу атлама – абынырса, уллу къабма – къарылырса.
- Чакъырылмагъан къонакъ – орунсуз.
- Биреу къой излей, биреу той излей.
- Джашны джигитлиги сорулур, къызны джигерлиги сорулур.
- Шайтан алдады, тюзлюк къаргъады.
- Хар сёзню орну барды.
- Экеулен сёлеше тура эселе, орталарына барыб кирме.
- Къан бла кирген, джан бла чыгъар.
- Тыш элде солтан болгъандан эсе, кесинги элде олтан болгъан игиди!
- Джогъун бар этген, барын бал этген.
- Азыкъ аз болса, эртде орун сал.
- От этилмеген джерден тютюн чыкъмайды.
- Уллу суу бла уллу ауруудан башынгы сакъла.
- Артына баргъанны, къатына барма.
- Къонакъ аман болса, къонакъбай джунчур
- Узун джолну барсанг, бюгюн келирсе, къысха джолну барсанг, тамбла келирсе.
- Игилик игилик бла сингдирилиучю затды.
- Ишлегенде эринме, ишде чолакъ кёрюнме.
- Эки къатын алгъан – эки ташны ортасына башын салгъан.
- Къонакъ хазыр болгъанлыкъгъа, къонакъбай хазыр тюлдю.
- Ишленмеген джаш – джюгенсиз ат, ишленмеген къыз – тузсуз хант.
- Джолда аягъынга сакъ бол, ушакъда тилинге сакъ бол.
- Хунаны тюбюн къазсанг, юсюнге ауар.
- Махтаннган къыз, тойда джукълар.
- Ариу – кёзге, акъыл – джюрекге.
- Эринчекге кюн узун.
- Кютгени беш эчки, сызгъыргъаны уа, джерни джарады.
- Мал ёлсе, сюек къалыр, адам ёлсе, иши къалыр.
- Биреуге аманлыкъ этиб, кесинге игилик табмазса.
- Намыс болмагъан джерде, насыб болмаз.
- Иги – алгъыш этер, аман – къаргъыш этер.
- Ёгюзню мюйюзюнден тутадыла, адамны сёзюнден тутадыла.
- Къыз чыгъаргъан – къызыл къымжа.
- Суу кетер, таш къалыр.
- Кирсизни – саны таза, халалны – къаны таза.
Профиль
|
|
|
|||