- Мен да «сен», дейме, сен да «кесим», дейсе.
- Эр сокъур болсун, къатын тилсиз болсун.
- Айран тёгюлсе, джугъусу къалыр.
- Нарт сёз къарт болмаз.
- Иги болса, тамадама – махтау, аман болса, меннге – айыб.
- Акъыл къартда, джашда тюйюлдю – башдады.
- Дууулдаса – бал чибин, къонса – къара чибин.
- Иги – алгъыш этер, аман – къаргъыш этер.
- Аман адам элни бир-бирине джау этер.
- Ашхы адам – халкъ байлыгъы, ашхы джер – джашау байлыгъы.
- Ётюрюкню къуйругъу – бир тутум.
- Эртде тургъан джылкъычыны эркек аты тай табар.
- Тенгинг джокъ эсе – изле, бар эсе – сакъла!
- Сютню башын джалагъан къутулур, тюбюн ичген тутулур.
- Айтхан – тынч, этген – къыйын.
- Тёрени джагъы джокъ.
- Юй кюйдю да, кюйюз чыкъды, ортасындан тюйюш чыкъды.
- Тик ёргени, тик энгишгеси да болады.
- Бек ашыкъгъан меннге джетсин, дегенди аракъы.
- Джеринден айырылгъан – джети джылар, джуртундан айырылгъан – ёлгюнчю джылар.
- Къазанны башы ачыкъ болса, итге уят керекди.
- Джаш болсун, къыз болсун, акъылы, саны тюз болсун.
- Къыз келсе, джумуш эте келеди, къатын келсе, ушакъ эте келеди.
- Ашхы сёз таш тешер.
- Къарыусузгъа кюлме, онгсузгъа тийме.
- Ашын ашагъанынгы, башын да сыйла.
- Къуру гыбыт бек дыгъырдар.
- Тойгъан антын унутур.
- Зарда марда джокъ.
- Ёлюк кебинсиз къалмаз.
- Кесине оноу эте билмеген, халкъына да эте билмез.
- Къанны къан бла джуума, аманны аман бла къуума.
- Уруну арты – къуру.
- Чомарт бергенин айтмаз.
- Тойгъан джерге джети къайт.
- Ишлемеген – тишлемез.
- Къар – келтирди, суу – элтди.
- Бал ашаргъа сюе эсенг, чибин ургъаннга тёз.
- Сёлеш деб шай берген, тохта деб, сом берген.
- Азыкълы ат арымаз, къатыны аман джарымаз.
- Тилчи тилден къаныкъмаз.
- Айранын берсенг, челегин да къызгъанма.
- Аджаллыгъа окъсуз шкок атылыр.
- Эм ашхы къайын ана мамукъ бла башынгы тешер.
- Къозулугъунда тоймагъан, къойлугъунда тоймаз.
- Ачыу алгъа келсе, акъыл артха къалады.
- Хазыр ашха – терен къашыкъ.
- Аллахха ийнаннган кишини, Аллах онгдурур ишин.
- Ёнгкюч къууана барыр, джылай келир.
- Ауругъанны сау билмез, ач къарынны токъ билмез.
Профиль
|
|
|||