- Мен да «сен», дейме, сен да «кесим», дейсе.
- Алтыннга тот къонмаз.
- Джашынгы кесинг юретмесенг, джашау юретир.
- Чоюнну башы ачыкъ болса, итге уят керекди.
- Сютден ауузу кюйген, суугъа юфгюре эди.
- Ана кёлю – балада, бала кёлю – талада.
- Этек чакъмакълары баш джаргъан, сёлешген сёзлери таш джаргъан.
- Бичгенде ашыкъма, тикгенде ашыкъ.
- Уллу сёлешме да, уллу къаб.
- Юй ишлеген балта эшикде къалыр.
- Бастасын ашагъан, хантусун да ичер.
- Ашхы – джыяр, аман – джояр.
- Ётюрюкню къуйругъу – бир тутум.
- Байны оноуу, джарлыгъа джарамаз.
- Соргъан айыб тюлдю, билмеген айыбды.
- Ишин билген, аны сыйын чыгъарады.
- Ат да турмайды бир териде.
- Тас болгъан бычакъны сабы – алтын.
- Ата Джуртуму башы болмасам да, босагъасында ташы болайым.
- Кёпюр салгъан кеси ётер, уру къазгъан кеси кетер.
- Тил – миллетни джаны.
- Къазанда болса, чолпугъа чыгъар.
- Ёмюрлюк шохлукъну джел элтмез.
- Къошда джокъгъа – юлюш джокъ.
- Къарны аманнга къазан такъдырма, къолу аманнга от джакъдырма.
- Аманны эки битли тону болур, бирин сеннге кийдирир, бирин кеси киер.
- Къуру гыбыт бек дыгъырдар.
- Атадан ёксюз – бир ёксюз, анадан ёксюз – эки ёксюз.
- Шайтан алдады, тюзлюк къаргъады.
- Чакъырылмагъан джерге барма, чакъырылгъан джерден къалма.
- Босагъагъа джууукъ орун болса, ашыгъыб тёрге озма.
- Ачны эсинде – аш.
- Айтылгъан сёз ызына къайтмаз.
- Кёкдеги болмаса, джердегин кёрмейди.
- Эки къатын алгъанны къулагъы тынгнгаймаз.
- Джашлыкъ этмеген, башлыкъ этмез.
- Зар адамны насыбы болмаз.
- Байма, деб да, къууанма, джарлыма, деб да, джылама.
- Тешик этген тынчды, аны джамагъан къыйынды.
- Этим кетсе да, сюегим къалыр.
- Ёгюзню мюйюзлери ауурлукъ этмейдиле.
- Ариу сёзде ауруу джокъ.
- Биреуню къыйынлыгъы бла кесинге джол ишлеме.
- Арпа, будай – ащды, алтын, кюмюш а – ташды.
- Тёрени джагъы джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Ёгюзню мюйюзюнден тутадыла, адамны сёзюнден тутадыла.
- Таякъ этден ётер, тил сюекден ётер.
- Ач отунчуну ачыуу – бурнунда.
- Кюн – узун, ёмюр – къысха.
Профиль
|
|
|||