- Хата – гитчеден.
- Джарлыны тону джаз битер.
- Эл ауузу – элек, анга ийнаннган – халек.
- Эки къатын алгъанны къулагъы тынгнгаймаз.
- Тулпарлыкъ, билекден тюл – джюрекден.
- Тюзню ётмеги тюзде къалса да, тас болмаз.
- Шайтан алдады, тюзлюк къаргъады.
- Къарнынг къанлынга кийирир.
- Айранын берсенг, челегин да къызгъанма.
- Эм ашхы къайын ана мамукъ бла башынгы тешер.
- Тамбла алтындан бюгюн багъыр ашхы.
- Ёксюзню къалачы уллу кёрюнюр.
- Ата Джуртча джер болмаз, туугъан элча эл болмаз.
- Билим насыб берир, билим джолну керир.
- Ашыкъгъан cуу, тенгизге джетмез.
- Намысы джокъну – дуниясы джокъ.
- Сабыр джетер муратха, сабырсыз къалыр уятха.
- Хоншуну тауугъу къаз кёрюнюр, келини къыз кёрюнюр.
- Ата – баланы уясы.
- Баш болса, бёрк табылыр.
- Кёзден кетген, кёлден да кетеди.
- Аман адам элни бир-бирине джау этер.
- Адеб этмеген, адеб кёрмез.
- Иесиз малны бёрю ашар.
- Айран тёгюлсе, джугъусу къалыр.
- Сакъ юйюне сау барыр.
- Къыз келсе, джумуш эте келеди, къатын келсе, ушакъ эте келеди.
- Башсыз урчукъ тюзюне айланмаз.
- Акъыллы башны – тили къысха.
- Ашаса, ашамаса да, бёрюню ауузу – къан.
- Тёгюлген тюгел джыйылмайды.
- Онгсузну – джакъла, тенгликни – сакъла.
- Иги сёз – джаннга азыкъ, аман сёз башха – къазыкъ.
- Сууда джау джокъ, кёб сёзде магъана джокъ.
- Ачны эсинде – аш.
- Ашха уста, юйюнде болсун
- Аман къатын сабий табса, бий болур…
- Къуру гыбыт бек дыгъырдар.
- Бет бетге къараса, бет да джерге къарар.
- Адамны артындан къара сабан сюрме.
- Кёбден умут этиб, аздан къуру къалма.
- Тели турса – той бузар.
- Мени джылытмагъан кюн, меннге тиймесин!
- Кюл тюбюндеги от кёрюнмейди.
- Кечеси – аяз, кюню – къыш, джарлы къаргъагъа бир аш тюш!
- Бюгюн дуния кибик, тамбла ахыратды.
- Аш берме да, къаш бер.
- Биреуге аманлыкъны тилеме да, кесинге ашхылыкъны тиле.
- Баш – акъыл ючюн, акъылман – халкъ ючюн.
- Ётюрюк хапар аякъ тюбю бла джюрюйдю.
Профиль
|
|
|
|||