- Аз айтсам, кёб ангылагъыз.
- Ата джурт – алтын бешик.
- Къулакъдан эсе, кёзге ышан.
- Ханы къызы буюгъа-буюгъа киштик болду.
- Джетген къыз джерли эшекни танымаз.
- Соргъан айыб тюлдю, билмеген айыбды.
- Тешигини къатында, чычхан да батыр болур.
- Ач бёрюге мекям джокъ.
- Тилсиз миллет джокъ болур.
- Аурууну келиую тынч, кетиую – къыйын.
- Айырылгъанланы айю ашар, бёлюннгенлени бёрю ашар.
- Ишин билген, аны сыйын чыгъарады.
- Чомарт къолда мал къалмаз.
- Таула не мийик болсала да, аууш табылыр.
- Тойгъандан сора, ашны сёкме.
- Джол бла сёзню къыйыры джокъ.
- Ачыу алгъа келсе, акъыл артха къалады.
- Узун джолну барсанг, бюгюн келирсе, къысха джолну барсанг, тамбла келирсе.
- Эри аманны, къатыны – аман.
- Тёзген – тёш ашар!
- Ариу – кёзге, акъыл – джюрекге.
- Бал чибинни ургъаны – ачы, балы – татлы.
- Эркишини аманы тиширыуну джылатыр.
- Къарны аманнга къазан такъдырма, къолу аманнга от джакъдырма.
- Тыш элде солтан болгъандан эсе, кесинги элде олтан болгъан игиди!
- Джырчы джырчыгъа – къарнаш.
- Биреуню тёрюнден, кесинги эшик артынг игиди.
- Тенги кёбню джау алмаз, акъылы кёбню дау алмаз.
- Атынг аманнга чыкъгъандан эсе, джанынг тамагъынгдан чыкъсын.
- Билим – акъылны чырагъы.
- Кийиминг бла танылма, адамлыкъ бла таныл.
- Адам къыйынлыгъын кёлтюрюр, зауукълугъун кёлтюрмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Сёз сёзню айтдырыр.
- Тау башында, тау болмаз, джангыз терек, бау болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Тойгъа барсанг, тоюб бар, эски тонунгу къоюб бар.
- Тынгылагъан тынгы бузар.
- Рысхы – сют юсюнде кёмюк кибикди.
- Суу кетер, таш къалыр.
- Ауругъан – джашаудан умутчу.
- Чабакъгъа акъыл, табагъа тюшсе келеди.
- Бал ашаргъа сюе эсенг, чибин ургъаннга тёз.
- Аш берме да, къаш бер.
- Сагъышы джокъ – джукъучу, акъылы джокъ – къаугъачы.
- Бети – къучакълар, джюреги – бычакълар.
- Мураты болгъанны джюрек тебюую башхады.
- Аз сёлеш, кёб ишле.
- Суу ичген шауданынга тюкюрме.
- Джангыз терек къынгыр ёсер.
Профиль
|
|
|
|||