- Чомарт бергенин айтмаз.
- Байма, деб да, къууанма, джарлыма, деб да, джылама.
- Агъач халкъгъа алтынды, иссиликге салкъынды.
- Билмейме деген – бир сёз
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сабыр джетер муратха, сабырсыз къалыр уятха.
- Дуния мал дунияда къалады.
- Миллетни бойну – базыкъ, аны бла кюрешген – джазыкъ.
- Борчунг бар эсе, хурджунунга ойлаб узал.
- Джангызны оту джарыкъ джанмаз!
- Ашхы адам – халкъ байлыгъы, ашхы джер – джашау байлыгъы.
- Билеги кючлю, бирни джыгъар, билими кючлю, мингни джыгъар.
- Эки къатын алгъанны къулагъы тынгнгаймаз.
- Сёз сёзню айтдырыр.
- Ашда уялгъан – мухар, ишде уялгъан – хомух.
- Сабий кёргенин унутмаз.
- Ашхы тенг джолгъа салыр, аман тенг джолдан тайдырыр.
- Тойгъан джерден туугъан джер игиди.
- Аджашхан тёгерек айланыр.
- Къыз тиширыу кеси юйюнде да къонакъды.
- Къарт бла баш аша, джаш бла аякъ аша.
- Таукел адам тау тешер.
- Адеб джокъда, намыс джокъ.
- Эки къатын алгъан – эки ташны ортасына башын салгъан.
- Къатын байлыкъны сюер, эр саулукъну сюер.
- Адеб этмеген, адеб кёрмез.
- Къызгъанчдан ычхыныр, мухардан ычхынмаз.
- Сакъалы текени да бар, мыйыгъы киштикни да бар.
- Ауурну тюбю бла, дженгилни башы бла джюрюген.
- Адеб базарда сатылмаз.
- Намыс болмагъан джерде, насыб болмаз.
- Къарнынг къанлынга кийирир.
- Гугурук къычырмаса да, тангны атары къалмаз.
- Ётюрюкчюню шагъаты – къатында.
- Эте билген, этген этеди, эте билмеген, юретген этеди!
- Чоюнну башы ачыкъ болса, итге уят керекди.
- Бетинги сатма, малынгы сат.
- Окъдан джара эртде-кеч болса да бителир, сёз джара, ёмюрге къалыр.
- Адамны джюреги нени кёрюрге сюйсе, кёзю да аны кёрюрге ёч болады.
- Чёбню кёлтюрсенг, тюбюнден сёз чыгъар.
- Аджал соруб келмез, келсе, къайтыб кетмез.
- Джюрек кёзден алгъа кёрюр.
- Байлыкъ болгъан джерде, тынчлыкъ джокъду.
- Атлыны кёрсе, джаяуну буту талыр.
- Сангырау къулакъ эл бузар.
- Элни кючю – эмеген.
- Аман киши кеси юйюнде – къонакъ.
- Аууздан келген, къолдан келсе, ким да патчах болур эди.
- Ишни аллы бла къууанма да, арты бла къууан.
- Башда акъыл болмаса, эки аякъгъа кюч джетер.
Профиль
|
|
|
|||